Popular Bible Verses from Marko 11

Share

Doleske penau t'menge: Lauter, hoy t'mer o Deblestar mangenna, patsenn, te lan les, palle lenn t'mer kova ninna.

Čačepah, me penau t'menge: Te penell yek ap kay berga hade tout, oun vitse tout an o baro pani, oun patsell zoreles an peskro dji, te djal kova, hoy yob penell, palle vell kova ninna.

Oun te han t'mer tardo oun mangenn čomone o Deblestar, bistrenn ko čilačo koova, hoy i vavar ap t'mende kras, te bistrell t'maro dad an o bolepen ninna ko čilačo koova, hoy t'mer kran.

Oun o Yezous penas ap lende: “Patsenn ap o Debleste!

Oun yob penas lenge, hoy an o Debleskro lab činlo hi, oun penas: O Devel penella: Miro kheer te vell i kheer, kay i tsele menshe ap i phoub nay venna, te sharenn le man, oun te mangenn le man an. T'mer kran lestar i kheer, kay i menshe rhorhenna oun randenna.

Oun kolla, kay djan glan leste oun kolla, kay djan pal leste, dan gole: “Sharas o Debles! Sharedo vell kova, koles o Devel bičras.

Sharas o baro rayes, ko čaves maro dadestar David, kay vella an peskri zoor! Sharas o Debles an o bolepen!”