Popular Bible Verses from Marko 2

Share

Har o Yezous kova shounas, penas yob ap lende: “Kolla, kay sasto hi, djan gar pash o dramaskro. Kolla, kay nasselo hi, djan pash leste. Me vom gar, te dap kolen pash mande gole, kay ap o čačo drom hi. Na-a! Me vom, te dap kolen pash mande gole, kay djan ap o čilačo drom.”

Har o Yezous lengro patsepen dikas, penas lo ap koleste, kay nay nashell gar: “Miro čavo, me lau tiri doosh toutar.”

Oun o Yezous penas ap lende: “O Debleskro dives hi i menshenge koy. O mensho vas gar kerdo, te hi lo o Debleskro diveske koy.

Kolla anan les nashte gar pash o Yezouseste, yaake boud menshe his troul leste. Koy djan yon ap o kheer pral pre, lan barra vin, oun moukan ko čiben o nassleha glan o Yezouseste tele.

Me kamau, te djinenn t'mer: O Menshengro Čaves hi i zoor ap kay phoub, te nay lell lo i doosh i menshendar krik.” Palle penas lo ap koleste, kay nasselo hi: “Ste pre, le tiro čiben oun dja khere!”

Hi kova phareder, te penap ap leste: Me lau tiri doosh toutar, har te penap: Ste pre, le tiro čiben oun dja khere?

Oun yob stas pre, las peskro čiben oun djas vin. Oun lauter dikan les, oun kran bare yaka. Yon sharan o Debles, oun penan: “An maro tselo djipen dikam savo koova gar.”