Popular Bible Verses from Marko 6

Share

Kote his yaake boud menshe, kay van oun djan, te his len kek tsiro, te rhan le. Oun yob penas ap lende: “Avenn, djas kote, kay kokres ham, te lenn t'mer nevi zoor!”

O Yezous penas ap lende: “Kek Debleskro rakepaskro vell kote sharedo, kay yob khere hi, vitar gar pash peskre menshende oun an peskro kheer. An i vavar forya oun gaba vell lo sharedo.”

Oun o Yezous djas dran o bero vin, oun dikas kol boud menshen. Kolla khaytan les. Yon his har bakre, kay hi len kek bakrengro, kay dell garda ap lende. Oun yob rakras lentsa i rah tsiro.

Oun kote nashte kras yob kek baro koova an o Debleskri zoor, kokres i nasslenge čivas yob i vasta pre oun kras len sasto, oun kolla his gar boud nassele. Oun yob nay hayvas gar, hoske i menshen kote kek patsepen his. Palle djas lo an kol gaba trouyel, oun sikras i menshende o Debleskro drom.

Oun yob las kol panč mare oun kol douy mače an i vasta, dikas pre ap o bolepen, parkras pes pash o Debleste, oun phagas kol mare an kotya. Palle das lo len peskre malende, te denn le kova i menshende. Oun kol douy mače das lo ninna i tsele menshende. Oun yon rhan lauter oun van čalo. Palle hadan le kol kotya pre, hoy ačan pral. Koy van deesh-te-douy marengre gone pherdo lendar. Oun yon hadan ninna kol mačendar pre, hoy pral ačan.