Popular Bible Verses from Marko 9

Share

O Yezous penas ap leste: “Tou peneh: Te hayveh tou! Me penau touke: Lauter djal koleske, kay patsella.”

Koy das o čaveskro dad gole: “Me patsau. Miro patsepen hi gar baro. Kre, te patsap boudeder!”

Har o Yezous khere vas, oun yon kokres his, poučan leskre mala lestar: “Hoske tradam mer ko benges nashte gar vin?” Oun yob penas: “T'mer hounte mangenn kova o Deblestar. Te mangenn lestar gar, nay tradenn t'mer save bengen gar vin dran i menshende.”

O loon hi mishto. Te nashras o loon peskri zoor, hi lo bouder gar mishto. Oun tou nay kreh bouder či, te vell lo pale londo. Djivenn t'maro tselo djipen o Debleske, oun čingrenn t'men gar!

“Kova, kay lell savo čaves pash peste pre an miro lab, kova lell man pash peste pre. Oun koon man pre lella, kova lell o koles pre, kay bičras man.”

Kova hi o čačepen, hoy me t'menge penau: Koon dell t'men i čaro pani te piyell, oun krell kova doleske, kay han mire mala, koles dell o Devel ko lačepen pale, hoy yob kras.

Kova, kay anell yekes kal tiknendar, kay patsenn ap mande, miro dromestar tele, koleske vals feteder, te vell leske i baro bar troul i meen pandlo, oun te vell lo vitsedo an o baro pani.

Oun te kamell tiro yak čomone te dikell, hoy anell tout ap i čilačo drom, palle čin les vin! Hi touke feteder, te nashress yek yak oun djah pash o Debleste an o bolepen, har te vess douy yakentsa an o bengeskri yag vitsedo