Popular Bible Verses from Yohannis 16

Share

Yottaalih salaam geytoona ciloh lel tayim sinah warisheh aniyo. Ta caalamalle cazaab yane, laakin aydukum-erhexa, anu ta caalam iscireh aniyo” yerhxeh alle yedebbe.

Rummaahit Ufayi yamiite gedda laakin, yaabbem waanishankah ishi amooko miwaanishamhi sabbatah, umbuka rummalle sin santisho kinni. Tamaato lem lel sinah warisho kinni.

Kado fanah yi migacalle walaa inkim messeritiini. Sin xeden kaamil yakko ciloh, essera, sinah tamxawo kinni.

Yakko kibah, anu adiye wayemko, Xattiimeeni sinah yamaato makinamhi sabbatah, anu adiyem sin nafaaca kinam rummah sinak arhxiyuk ane. Anu edeemko laakin, kayya sinah dhirhiyo kiyo. Usuk yamiite gedda, zambe, xaqqe kee firdi zacabah ta caalam yashshamano kinni.

Amaydo, atin gantah kado waaxelta litin, anu laakin malammih sin ablo kiyo, sin afcaado lel xedento kinni. Sin xeden lel sinko beyati miyane. Amaa max yottaako walaa inkim essertoona makitiini. Yi migacalle esserinnannim Abba sinah yaxaw kinam rummah, rummah, sinak arhxiyuk ane.

Atin wectoona kee zertoona kitin, caalam laakin xedento kinam rummah, rummah, sinak arhxiyuk ane. Atin taxzanoona kitin, sin xazan laakin xedenille yambaddalo kinni.