Popular Bible Verses from УблапӀэ 9

Share

ЕтӀанэ Тхьэм ыӀуагъ: «Сэ шъоррэ псэ зыхэлъ пстэоу шъо шъукӀыгъухэмрэ зэзэгъыныгъэ къыжъудэсэшӀы: Сэррэ чӀыгум щыпсэухэрэмрэ тазыфагу Ӏуагъэу дэлъым инэшанэ хъунэу, Сэ сищабзэ лэгъупкъопс пщэмэ ахэсэгъэуцо.

Лэгъупкъопсыр пщэмэ ахэтмэ, Сэ ар къэслъэгъунышъ, Сегупшысэщт мыкӀодыжьын Ӏуагъэу Сэррэ чӀым тет пстэухэмрэ тазыфагу дэлъым».

ЦӀыфым ылъ зыгорэм ыгъачъэмэ, укӀакӀом ылъ нэмыкӀым ерэгъачъ. Сыда пӀомэ Тхьэм Ежь итеплъэу цӀыфыр къыгъэшӀыгъ.

Зиусхьаным Нухьэрэ ыкъохэмрэ ынэшӀу къащифи, къариӀуагъ: «Зыхэжъугъахъу, зыжъугъэбагъу, чӀыгум тиз шъухъу.

ЗэкӀэ псэушъхьэхэр гъомлапхъэу къышъосэты, уц шхъуантӀэр нахьыпэкӀэ къызэрэшъостыгъагъэу.

Къышъущэрэщынэх, орэкӀэзэзых зэкӀэ чӀыгум тет хьэкӀэ къуакӀэхэри, зэкӀэ ошъогу бзыухэри, зэкӀэ чӀыгум щыцохъорэ щыпшыхэри, хы пцэжъыехэри; ахэр шъо Ӏэрылъхьэ къышъуфэсшӀыгъэх.

Шъо зыхэжъугъахъу, зыжъугъэбагъу, чӀым тиз шъухъу!»