Popular Bible Verses from Yɔanɨ 17

Share

Ɓʉjaɓaka ɓaka nɔ yaka ngɨyɛsɔɔ yɔ ingono, iɗo ambɔ ɓɨnatana tɨta ɓombi ɓɔsɔɔ ingainga. Dɔ ʉpanʉ ngʉwɔsɔɔ, wa ingono.

Ɨnadɔ, uɓei ngʉwɔ mago nɔ mago, ya ta nɔwɛ akɔbaya ʉwɛ Asɔɓɨɨ ngɨa ingono kʉ nangana ɓɔ ngbe. Nɔ ɓata, ya kʉ abaya Yeso Klisito ngɨa wa꞉mʉtʉma.

Nangɔmʉ anɨta ta akʉʉ eɓo kʉ nangana. Yakamɛngana, nanɨta kʉ akʉʉ ɔ ɓiga ngʉɓa ɓa꞊nabaya sina, ambise ɔ nʉka mapanʉ ngʉkeɓo. Nanaɓɔ anɨtɨa dɔ ɨɓɔ ɓaɓomu, ɓiɓio ɨkyɛmʉ mɛngana, ngbanga ndʉ ʉwɛ Aba, wa amati asɛmɨ, kʉndʉ ɨmɨ na amati asɔɔ. Na ɓata anɨta kʉ ɓɔ ɨɓɔ ɓiɓio amati eso nɔwɛ, nɔ kʉ ɨkyɛmʉ mɛngana, iɗo ambɔ dɔdɔ ɨbaya bayanɨ, ɓɔ ʉwɛ akɛ, wa꞉natʉma ta ingono.

Nangɔmʉ nɔwɛ anɨta ɓɔ ɓuhokiso amati ɔ dɔdɔ. Yakamɛngana, nanɔwɛ anɨta ɓɔ ɓʉpɛmakɨa pɨ akɔ tɛa ngɨyɔ Mʉnamasa.

Ʉbɨba ngʉwa wa꞉nenjo ɨmɨ, na꞉ɓinjo tɨa kʉ ɨɓɔ, ambɔ ɓiɓio tɨta ɨkyɛmʉ mɛngana. Nɔ, ngbanga kʉndʉ isu nɔwɛ ta ɨkyɛmʉ mɛngana, ɨsɨ yɔngɔ ɓɔ, ɨmɨ amatɨ eɓo, nɔ ʉwɛ, amati asɛmɨ, iɗo ambɔ, ɨɓɔ ɓiɓio ɨkyɛmʉ mɛngana ta nɔ ingono. Kʉdɔ, dɔdɔ ɛ꞊mbɨa ɓɔ ʉwɛ, ingainga akɛ wa꞉natʉma jɛnɛ, nɔ, wa꞉ɓʉkʉnda kʉndʉ ʉwɛ, wa꞉nakʉnda jɛnɛ ɨmɨ.