Popular Bible Verses from Luka 8

Share

Ʉka kaɓwanaka akɔ ɨtaka yɔ dɔɓɔ, yapananiso mʉkyananakɨa wɔ ɓombi ngʉɓa ɓɔka ʉpanʉ wɔ Asɔɓɨɨ nɔ mʉtɨma wɔta uɗo nɔ ngbingbii, nɔ masɔɔ ngʉkeɓo, ka yaka yɛta iɗo ngɨyɛ ɓakyɔɨkɨa nɔ mʉtɨma wɔta ʉta.»

Ʉka ka꞉ɓwanaka amikpakiki, yapananiso ɓombi ngʉɓa, ɓɔka ʉpanʉ ta nʉka. Yakamɛngana, litungwio, mʉsasa wɔ lɨkyɛmʉ, ɓʉtɨpɨ ɓɔ uɓei, yaka ngɨyɛnɛnɨ ya ngbanga ndʉ mikpakiki ngɨyɛ ya naɓɔ akɔsangaka. Kʉdɔ, ɓangɔmomʉ masɔɔ ngʉka kakwanana nɨtɨa.

Masɔɔ ngʉka ka꞉ɓwanaka akʉʉ ɔ ikopi, yapananiso mʉkyananakɨa wɔ ɓombi ngʉɓa ɓɔka ʉpanʉ wɔ Asɔɓɨɨ, nɔ, ɓɔ꞉upotoko nɔ ɨgyagya. Yakamɛngana, sɔkɔmʉ ʉpanʉ wɔɓio nɔ mii amati ɔ eɓo, ɓabaya akɔ angbinga mʉngana, mbise ikanio yɔɓʉgbʉkeni, ɓɔkwa.

Ga Yeso naɓɔ ɓɔ: «Báya ngɨyeno ya-sɨ tɨa gbani?» Yakamɛngana, ɓɔ꞉kwa ʉɓá, nɔ, yɔ꞉ɓʉmbangɨa nɔgbɛ, nɔ, ɓɔ꞉pʉnga ɓɔkuonoko ati eɓo ɓɔ: «Mombi ngɨa a-sɨ anɨ? Ɨyɛ enjo kʉ nɔ ʉpanʉ akɔ mahuo nɔ mipo? Nɔ, kɔmʉka ta ʉkanɨ!»

Ʉka kaɓwanaka anɔ ɨngbaa, yapananiso mʉkyananakɨa wɔ ɓombi ngʉɓa, ɓɔkeni ʉpanʉ wɔ Asɔɓɨɨ, mbise Abɨɨ ɛka, ɔnguso ʉpanʉ amati ɔ mɨtɨma ngɨyeɓo, ambɔ ɓatɨbayamʉ, nɔ nɨanɨa nɔ ɓʉhɛa.

Dɔ, yaka iɓomu ngɨyɛ ɓaɗi, ya꞊chwɛa sina aɓʉmba. Nɔ, yaka iɓomu ngɨyɛ yɛta ɨnayanɨɛ, yɛ꞊mbɨanɨa sina, nɔ, yɛ꞊nɨanɨa akɔ ibamu.

Moi ngɨananɨ, anɨna ɓɔ yɛmbɨanɨɔ ta mbɨanɨanɨ ɓɔ ɔ꞉muɓoto, ɔ꞉chwɛanɨa nɔ gʉgʉma, nɔ, ɔ꞉tɔgbʉkʉmɨa amɨtɨndɨ yɔ Yeso. Kʉdɔ, ɔ꞉pʉnga nayɔ panjakɨa, ta ananɨ apɛɨ ɔ ɓombi ɓaɓomu, ɓɔ ɔmuɓoto dɔtanɨ, nɔ ngbanga ndʉ aka ɔ꞉hɛɔ-ɔɔ ta angbinga mʉngana. Yeso ɔ꞉musigio ɓɔ: «Mwana ata moi, báya ngɨyɛsɔɔ yɔ꞉naheiso heisoni. Sa nɔ majɨɔ.»

Ɓakpata ɓɔ꞉mɨsɨnganɨa Yeso nayɔ ajʉkaniso asugo ɓɔ: «Hii Mʉpananakɨa, mʉpananakɨa, ta꞊manɔ asio!» Yeso ɔ꞉jʉkana, nɔ, ɔ꞉nyakɨa mahuo nɔ ɨsana yɛta ɨja ngɨyɛnɛnɨ, kʉdɔ, yɔ꞉dʉdʉa ta dʉdʉa. Ʉmʉa wɔ꞉katana ga woo.