Popular Bible Verses from YOHANES 12

Share

Bok imai de kaha-layan Eng, kek hodloh kijoi Eng nu belok taleh Nget. Ku belok Eng mong, ku pajeh juga pelayan Eng mong. Menek Eng doh Kihormat mai de nailayan Eng.”

Begei ajeh juga, bok imai de kihok inyawe, inyawe ajeh dohjeh nyep. Tapi bok imai de pek kihok inyawe ku dunia adeh doh kikep sinui de lei ditehjeh.

Cerngailoh abor, amen numeknat mat gandom pek bicet ru pek kidat ku kateh tik, mat gandom ajeh lekat numeknat taleh. Tapi, amen mat gandom ajeh bicet, mat gandom ajeh doh kidat canuk tapi doh kicuai ru kiperhol jeoi nij mat gandom de kilek.

Eng Nghol nu dunia adeh sebegei Cahaya supaye jap-jap sengoi de pecaya nu Eng pek naigei nij ku kateh gengwer.

Amen numom kicerngai neajar Eng tapi pek kitaat nu neajar ajeh, Eng doh pek Nghukom kek kerana Eng Nghol pek Ngha-hukom manusia tapi Ngha-peselamat enai.

Lalu Maria kikot kira-kira setengah liter minyak wangi de ihad mahal. Kek kikoh minyak wangi ajeh ku jog Yesus ru kigit ya isog. Ngoi minyak wangi ajeh tebeg nanek deg.

Jadi, naikot cag-cag pelepah lalu naihol ju Yerusalem naiha-samut Kek sambel naisurag, “Semoge Kek bipateh! Semoge Kek de Kihol sebegei wakel TUHAN biberkat! Semoge Raja Israel biberkat!”

Yesus Kiurok nu mai Yunani ajeh, “Ya tiba imase Eng Kenon Manusia bipemulie melalui danan ru kisnos Eng.