Popular Bible Verses from YOHANES 15

Share

Engloh keneng anggor ru engkekloh icag. Bok de lekat kibenanek ru Eng, ru Eng Ngbenanek ru kek, kek doh kibepelek jeoi. Tapi amen engkek ceraklah ju Eng, engkek pek dapat engkebeh ma-ma.

Benanekloh ru Eng, ru Eng pen doh lekat Ngbenanek ru engkek. Cag kihalei pek dapat kibepelek amen pek kibenanek ru ikeneng. Begei ajeh juga, engkek pek dapat engkebepelek amen engkek pek engkebenanek ru Eng.

Amen lekat engkebenanek ru Eng, ru engkesui engkejoi neajar Eng, semanjloh ma taleh de engkehod. Sengmanj engkek ajeh doh biog.

Apeka engkek de bepileh Eng. Engloh de bepileh engkek ru Ngor engkeet ru engkebepelek pelek de tahan lei ditehjeh. Amen engkebeh begei ajeh, Menek doh Kiog ma taleh de engkesemanj ku kateh muh Eng.

Amen nenumom kikorban inyawe ha ikekawat, kek kiperneng haknok de paleng entoi.

Kek Kikoh jap cag Eng de pek kibepelek, ru Kek juga Kireleh berseh jap cag de bepelek supaye kibepelek lebeh jeoi nij.

Adehloh ernor Eng: Hakhokloh ratak liengkek begei Eng ya Nghok engkek.

Amen engkebepelek jeoi, engkek ajeh betol-betol pengikot-pengikot Eng. Hal ajeh kipemulie Menek Eng.

Yesus Kiurok nu Ipengikot-pengikot, “Engloh keneng anggor de kibepelek kijoi heknod Jenang, ru Menek Engloh mai de beselai anggor.

Bok de pek kibenanek ru Eng, kek begei ha cag de bikoh lalu kijadi sod. Cag-cag begei ajeh doh bicatuk ru bipej nu kateh os.

Dikdij adeh Ngurok nu engkek supaye keremmik Eng mong ku kateh sengik engkek ru supaye betol-betol engkekerakmik.

Amen engketaat nu ernor Eng, engkek doh lekat engkesui ku kateh haknok Eng, begei ha Eng de Ngtaat nu ernor Menek Eng ru lekat Ngsui ku kateh Ihaknok.

Adehloh ernor Eng nu engkek: Hakhokloh ratak liengkek.”

Amen engkek sama begei sengoi dunia adeh, enai doh naihok engkek begei kekenon liknai sendiri. Tapi engkek enyuk pek sengoi dunia adeh. Eng ya Ngpileh ru Ngaseg engkek ju dunia adeh. Ajehloh isebab naigetek engkek.