Popular Bible Verses from Johannesi 6

Share

Ha wa hutha Jesusi eshi: “Yame noghuroto ghokutapa moyo. Oyu ghokwiya kukwange mbadi mbo gha fa karo ndhara, noyu ghokutawa mumwange mbadi mbo gha fa shime dinota.

Mupepo ne yomukakuparitha, munu thinda vaye. Eyi na mu tongwera, mwaMupepo ya shwagha no gha tapa moyo.

Mwa rughanena yidya yokupwa, ene mu rughanene yidya yokudhira kupwa no yokutapa moyo ghororuheya. Eyi ne mbo ghana yi mupa Mwanamunu, yoyi Nyambi Wihe yo gha mu pa ngcamu dhokuyinu yi.”

Yoyishi ghomahimeno ghaTate eshi: Kehe yu ghokumona Mwana no kutawa mumwendi, mbo ghana wana moyo ghororuheya; no mbo na mu tumuna mwawafu mudiyuva dyoghuhura.”

Jesusi gha wa huthire eshi: “Ethi gha hima Nyambi kukwenu ne thino, kutawa mumwendi Yu gha tumine Ye.”

Yomuhe yu ghana kunipa Tate, ghana kwiya kukwange, noyu ghana kwiya kukwange, mbadi mbo ni mu mwagha nokamanana temba.

Ha mu hutha Simon Petrusi eshi: “Fumu, kwadye sho tu yende? Yowe wa kara noman̂ando ghokutapa moyo ghororuheya.

Yame ghuroto ghoghuyumi ghu wa shurukire mudiwiru. Ngeshi ha di ghumweya kughuroto ghuno, mbo ghana para kuroruheya. Ghuroto ghu ne, yirama yange eyi mbo ni tapa eshi, mbo ka pare kaye.”

Noyofotji temba gha kona kwiya kukwange, ngeshi mbadi ghana mu kokera kukwange Tate Yu gha ni tumine; Ame ne mbo na mu tumuna mwawafu mudiyuwa dyoghuhura.

Yoyishi ghuroto ghu ghana kutapa Nyambi ne, yoYu gha shurukire mudiwiru no kutapa moyo mukaye.”

Yame ghuroto ghokutapa moyo.

Ko kutumbura Jesusi ghuroto, ha tumera kwaNyambi no ha ghu taperire, kwawa ha hungumanine po, noithi nadho karo thika di ha himine. Munyima dhokwikuta hanu, gha tongwerire hakathishongero wendi eshi: “Mu kongwedhe yigonyo‐gonyo yi yina thighara ko eshi, kadi pa kuyongara nokamanana temba.”

Oku shime ha karera mukuvugha thiko thomakilometeri kwoko endi kwoko noyofotji, ha mone ko ne Jesusi yu ghana kuyenda pameyu pepi nowato. Ko kuyapa kwawo. Aye ne gha wa tongwerire eshi: “Ye, aghu Yame, mwa yapa.”