Popular Bible Verses from Jean 6

Share

Jésus amapandôéda angô mbe: Me te môpemba ôétsa môma monyo. One aviga na gôndé me asangadôôkô nzaa. One eetsa me môtémedi asangadôôkô sôé.

Géne géétsa monyo te Gédidige SaNzambé. Otôe ôsaba na tsoongo. Mane mabeendi me anye maviga gôndé Gédidi SaNzambé na meetsa oma monyo.

Tsikani éyanza gô môyakô ôbooni. Yanzani gô môyakôe ôdingani na ôétsa monyo ôsakôdéakani. Téta Nzambé ameemba me Muana Amôma ndémbô éenyangee éedi, t’ebandô nandé na ngudi yenôétsa môyakôe ône.

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

Jésus amanigôa ahngô mbe: Eyanza évôni ényôngéô Nzambé mbe nôyanza éangô te mbe nôétsa mitéma mianyô na gôndé ône amatôma angô na gô tsina.

Muetso eetsô me na Téta Nzambé aviga na gôndé me, tsangamôpatsa na gô mbadi ivô angeengéa na gôndé me.

Simon Pierre amamôaabéa na nyivô mbe: ?Kumu, we tôngakea na gôndé ndaa? Ewe ôndé na mabégôme meetsa monyo amôbô na môbô.

Jésus amapandôéda mbe: Me te môpemba ôviga g’ôba ôétsa môma monyo. One angaa môpembee ône angaba na monyo ôsakôdéakani. Môpembee ôngamôétsa me te ôtôe wami. Nadeekeda oma ôtôe wami te mbe muetso angadiia monyo te gô angô.

Gôsaba môma oongôa éviga na gôndé me buétsé te Téta ône amatôma me, amôweseda gôésinga me. Me dôta gô nyee amôyusumédu nangamôkundua g’ôwa.

Menyani mbe mipemba miitsa Nzambé môma, te mine miviga g’ôba na miitsa môma monyo.

Me te môpemba ôétsa monyo.

Jésus amabongo mipembamie na amaduka Nzambé mate gô miangô. Vane amamikabanéa n’ane amabaka digaa. Na nyama yagô mbéyi amadikabanéa te mônongovo ngu n’emanyôngéô omee. Amanguta muetso. Vane Jésus amatôma aneengie mbe: Dingôani ébéndékéé na tseseye yetso kabaga gôbungana ta na vipesu.

Aneengie amanuga mbôngône na amatongonea na tsényéne ôkana akilometre ditayi. Tsina na tsina ahmeena Jésus aviga ayeta gô ngongo amebame awesea na gô mbôngône. Aneengie amatsôpu na gomo. Vane Jésus amavovo n’ahngô mbe: O te me, Jésus. Nôneena gomo.