Popular Bible Verses from Luc 14

Share

One akea n’ami nzéepo asangoongôa étetu mbe môneengi aJésus, angô gékiné tétedi na yeedi na môgayedi na anedi na anayeedi amôgôô n’ageto. Angakina dôta béyé n’otôe wedi amuene.

One asatsua gésumuge sedi sowa na asakea nzéepo n’ami, angô asangatetu mbe môneengi ami.

Endé te nane. One aabatéda amuene, angasugédu. Na ône aasugéda amuene angabatédu.

Va vane Jésus amatimbôanéda mbe: Gôndé anye te mônongovo. Gôsaba môma angakea n’ami nzéepo gôéba môneengi ami, angô gékiné éetso éndé n’edi.

Gandé anye amôgôô, nônyôngéô ésaa eba ôvôni. N’egésaaka, ôngadigaa gôépanga étanga dodeye dingadukuni na dine dôta dindé n’ewe, ôkô mbe dingadugu ngu n’eyanzee. Okô môma asiinda nane angayanzéda te môkaka ôtévo, géôngôé éteméda ebee. Oma muetso angootani angamôseka mbe: E-e-e, mômôgôône ôdôô amabaka mbe asaa eba éva, ivô akôndi.

Gô môambôe woo asueti, bambéaka te misuga, na ane ahmagégésanéani na ane atsuédimani, n’asi pogu. Ti gô gényônga géngaba n’ewe gôébégô ane ayeeyi môambôe woo asangagônikédéa ta na sôma gévo. Ivô te Nzambé angagônikédéani gô nyee ôngakunduga ane amawani amayanzéa Nzambé ganyôngéô angô.

Vianga te sôma samôsôba. Ivô, ôkô viangô visabadô na duegi ?môma angoomba évinikéda duegine nayee? Viangô visaba na tsoongo, buéyé gôényepeda totone, vo gôékandéda mbôtône visanyepa. Vingagunyu te gunyugu. Okô mbe anye nôndé na matô, ka te nôôkôkôma.