Popular Bible Verses from Luc 8

Share

Mine mimaaga gô totone éamôsôba te ane ookô Mabégô MaNzambé na ahmakuya gô mitéma miaô miamisôba na mimavômani. Ahngô aka oma obibo na mitéma miaô mikuséda ésima éamisôba.

Mine mimaaga va tungu éakavanga, te gandé oma ookô Mabégô MaNzambé na vadigaahngô mamapikaméô na matasa matsengene na ônzôô okitie, na gényônga satsengene. Gôndé ahngô Mabégô MaNzambé masaba na ngudi mbe ahngadiia ésima éamisôba.

Mibiemie miagô mataé te gandé oma ookô meekédume na ahsinga mangô na gényônga. Na mabégô masasipa gô mitéma miaô. Ahkenea mabégôme te pesu andéô. Nyaa apanda ôkanégu angô ahtsika mangô na ahnika na gô ngima.

Jésus ameevôa aneengie mbe: ?Anye mitémamie mianyô nômiitsa na gôndé ndaa? Ivô aneengie amaba te na gomo ôtévo. Amasôbasôbana na ameevôana anguene n’anguene mbe: ?Oô mônongo amôma andé nayee? Atôma buéyé ti na gékungage na miyôkiyôkimie na éangô émôôkéô.

Mine mimaaga gô nzéa te gandé oma ookôni. Ivô yabédé aviga gôéwata gô mitéma miaô éne éôkiô ahngô kabaga anigôgéô na kabaga ahdiia monyo.

Metso masuéguni mangaba mamatsutsuuni. Na metso mav’esooe mangaba mav’ekanga na mamamenyanganôni.

Môgetone amabangôa mbe: Me namenyanganiô tsangadôongôa ésomo. Amawesea atatéa na gomo gôégudama va makôdô maJésus. Amamema va miso moma muetso gamabeeangô na gamabandangô géondoge samôkanda aJésus na gamadôngangô tsina na tsina. Jésus amavovo n’edi mbe: Muanami, ôdôngédiô te gôsitsumé éwe ngudi yami paga. Kiaka na gétabé.

Vane aneengie amawesea na vandé Jésus gôémôtimôa. Amavovo n’edi mbe: Kumu, deo tôngawa. Vamatimôga Jésus amakaméa gékungage na amadékéda miyôkiyôkimie. Na mimasikama. Gômaba na yôkôyôkô.