Popular Bible Verses from Lukas 17

Share

Malinagei Yesus tabarana naɗa ata, “Kaɗew, mono kakow. Oroge yau ɓam hatena tabara-Gu, yau taggahaw.”

Ɓana jalaka tabaram pit wudana ɗiha laɗo mono ɓana hapit wuda ʄalana mai tabaram mono ɓalinaka, ‘Ɓaankaga,’ hawalkini.”

Kole wu ata walta jongaɗa tada wikna ɓana taggahaɓe, nyi hagganage waige mageɓora ɗaikayi Alla. Lohho ta aroi Yesus, nyi nakawoʄo mono waiwu linan taɓara-Na. Naɗa ata, ata Samariay.

Oro ɓatauɗage, yapgela! Naɗa oleɓaim ɓana jalaka, paɗekai, ɓana ʄarraꞌna, hawalkini.

Maɓegge linagei Yesus, “Wale kabul kaꞌɗa ata pahataggahaɓe? Gikad ka ɓanɗihana?

Nabalehawei Mori, “Nna mi ɓaɗaaꞌge hatenam ka wu wat sesawi marrahana, mi naɗaꞌwe ɓalimini naɗe pu yay, ‘Maɓatuwu mono mateihkaw lar ta ban.’ Naɗa pu yay engana ɗoukguge hareham.”

Ata karun ge karawawe mourhana, enga bungage mourhana. Tabolo ata kabunga mourhana oroge ɓana ɗouk-Ga, enga kolenage mourha aikaman dukana.

Malinagei Yesus tabara ana hakodo halole-Na, “Makaɓa tut rayina doku-jala ɗaa ai dukage. Tabolo kahadda liloko naɗe ata karayige hamon ɗangana ata heka ta doku-jala! Nadahha ɗahowe naɗa wat ɓonga ɓa teirnani ta kokona, lohho nyi ɓaita ɗahon lar ta ban. Nyiɓatauɗage, nyi walna rayiɗaꞌmage ta ata aika kulhaho hatenana tabara-Gu moun ta jala.

Ta laɗo-Gu, Nauwa Ana-Na Kaɗaꞌ Ata ɓag ɗedowa nimla, haɗage natuʄawe kaɗaꞌ ɓana mourhaho lede liiy Nuh nutna. Ata ɗa yaa-enu, kaha anana kaɓaani ɗangalad ole-ummaɗa, kaha anana lawai ɗahalai ana lawaiɗa katauna kadamma. Tauɗa hakitaɗage kahha lede liiy Nuh ɓana tama ta tena mono amini lai wee kalla puɗahayi tangngaɗa ata.