Popular Bible Verses from मत्ती 24

Share

ते अधर्म बधणे लारे घणा चा प्रेम ठाडा हुती जई। पर जको अन्त तक सब्र करली रिही, ओचा उद्धार हुवी।

ते स्वर्ग़ राज़ चा हा सुसमाचार सारे संसारा चीया जातिया मां प्रचार करला जई कि सारीया जातिया उपर ग़वाही हो, तब अन्त आती जई।

तम्ही लड़ाईया ते लड़ाईया ची चर्चा सुणा, तां घब़राती ना जजा कांकि यांचे हुवणे जरुरी छै, पर ओ समय अन्त नी हुवी।

कांकि जाति उपर जाति, ते राज़ उपर राज़ चढ़ाई करे, ते जग़ह-जग़ह अकाल पड़े, ते भूकम्प हुवे। ये सब बाता ङुखा ची शुरुआत हुवी।

आसमान ते धरती टलती जाये, पर माया बाता कङी नी टले।

कांकि ब़ोहत से माये नांवा लारे आती कर किहे, ‘मैं मसीह छै,’ ते ब़ोहता नु भरमावे।

“तब वे क्लेश ङेणे चे वास्ते तम्हानु पकड़वावे, ते तम्हानु मारती नाखे, ते माये नांवा ची वजह कनु सारीया जातिया चे लौक तम्चे लारे बैर राखे। बल्ति वा ङिहां मां ब़ोहत सारी बन्दी विश्‍वास मां ठोकर खाये, ते हेके ङुजे नु धोक्‍का ङिये ते बैर राखे। ते ब़ोहत सारे कूड़े भविष्यवक्‍ता उठती खड़े हुवे, ते घणा नु भरमावे।

ईशु ने वानु उत्तर ङिला, “चौकस रिहा, कुई तम्हानु भरमा ना सग़ो।

ऐवास्ते तम्ही वी तियार रिहा, कांकि जेस घड़ी चे बारे मां तम्ही सोचा वी ना, वे घड़ी, मैं इन्साना चा पूत आती जई।

“ऐवास्ते जाग़ते रिहा, कांकि तम्ही ना जाणा कि तम्चा प्रभु किसे ङिओ आवी।

“ओ ङिओ ते वे घड़ी चे बारे मां कुई ना जाणी, ना स्वर्ग़ चे स्वर्ग़दूत, ते ना पूत, पर हेको ब़ा नरीकार।

कांकि कूड़े मसीह ते कूड़े भविष्यवक्‍ता उठती खड़े हुवे, ते बङे चैन्ह, ते अदभोत काम ङिखाणे कि अगर हो सग़े तां चुणले आला नु वी भरमाती ङियो।

जिंवे नूह ची ङिहें हुती, यूंही मैं इन्साना चे पूता चे आणे वी हुवी। कांकि जिंवे जल-प्रलय कनु पेहले चे ङिहां मां, जिसे ङिओ तक कि नूह जहाजा उपर कोनी चढ़ला, ओ ङिओ तक लौक खाते-पीते, ते वांचे मां बीहा शादीया हुतीया। ते जब तक जल-प्रलय आती कर वां सारा नु बहाती ना गेला, तब तक वानु कोच्छ वी मालुम नी पड़ले, यूं करती मैं इन्साना चे पूता चे वी आणे हुवी।