Popular Bible Verses from Luka 5

Share

A dɨ sʊwatǝm kɛlɔ jǝbɔ nǝbɨɨ, nǝngɔ a sʊwa Bitrus gɔ, “Jǝ́ mǝgtǝn tɨyamwɛngɔ a yɔ a daa nɨ mwɛmɔ a tushi tushii, jǝ́ mal lɨyalɔ, jǝ́ ta jʌngitɨnɔ.”

Nǝngɔ Bitrus a jǝla gǝn gɔ, “Nǝ dʊʊ, jʊ nɨ a ta nǝn kumi nǝn gʌ kungkwang nǝn ta bɔ jʌngi wo win. Mɨsɔ mǝ kɔ kɛl mʊnɔ lɛ, nǝn mal mal lɨyal nǝnɔ.” Kwama nɨ ja mal lɨyalɨ, nǝngɔ ja ta jʌngigɔ a lada nyɨɨ, lɨyalɔ a tǝl tulola lɛ.

Yesu gǝ jel jel kwaagɔ ya kela Kwaama.

Mǝ bɛ bɔ sǝ ba n jo nǝb dǝngdǝng. Mǝ bɛ jotǝm nǝb bwɨlangkɛl, sǝ ja yǝla ja bǝla bwɨlangkɛl jinɔ.”

Kwama nɨ Saminu Bitrus a kuwo jʊ nɨ a bwɨɨ, nǝngɔ a bɛ ba yal a kǝga Yesui gɔ, “Kʌlʌm a daa mɨ woi Tɛlalɔ! Mǝ nǝ bwɨlangkɛl.”

Nǝngɔ Yesu a jǝla ji gɔ, “Nǝb nɨ kwamɨgǝnɨ mɨ jǝ yɔ lɛ a daa nǝ bʊʊ woi, n nǝbɔ mɨ kwamɨgǝnɨ gǝ yɔ lɛ woi.

Nǝngɔ ja mǝg tɨyamwɛng jinɔ ja bɛ nǝn a kʌng wɨmagɔ gǝmɨ, ja bǝla kanjǝl jinɔ gwam ja bwangtǝn Yesui.

Kaa di Yesu a bɛ a tuulɔ nɨ kaa nǝl wo a mwata mwataɨ. A kuwo Yesui, nǝngɔ a gǝla a jʊng a kǝga gǝnɨ, a kela gǝn gɔ, “Tɛlalɔ na ń jǝlaɨ, mʊ nǝn kwaan nɨ mʊ gung i lɛɨ sǝ n yǝlam sagsag.” Nǝngɔ Yesu a gung kang gǝnɔ a ke gǝn nǝnɨ gɔ, “N jǝla, gun.” Tʌgo a kang a daa gɔ nǝngɔ mwatatǝm nɨ a bǝla gǝnɨ.

Fulon kɛl gǝnɔ a ja kǝga. Bwɨ nǝbɨɨ bɛ lɛ a daa gǝ woi, sǝ jǝ nyʊwa kɛl gǝnɔ, sǝ a gung ji a bɔɔla jinɔ gǝm.