Popular Bible Verses from Yohana 15

Share

“Ma tu enabi hon, nye no be bu hon. Ende e no a tswa mam, m no anga a tswa mbwe, ga gwa be ga àywá. Adia ge ma fwa ye adi efka mam ra, nye bwe a ti nye mò akan ra.

Nye e no a tswa mam, ngge a me ma no a tswa mo nye. Bu mo tumo akan a gwa a ti ye ga mo chu ye ra kpwà tén ano ge no a ju tumo hon. A nye gaten, nye gwa a ti nye be ga ra, kpwà tén a no nye no a tswa mam.

Tea ano nye no a tswa mam ngge be fwa mam no a tswa mo nye, nya bgó egwa egwa mo mò a nye dgyan anga, ba no nye nó.

Nyè swa m a nye ra, m̀ swa nye a me, m du nye nye e ken e gwa be ga. Be ga a nya gwa ángá, a no a fwa efwam. Kǝnggwa Àtà hon a no nye egwa egwa mo be mò ya a nya bgó adi ti mam ángá.

Edgyan e twafǝ̀ nwone a ende akan e ti nya mbwe e no a chu be shushwa ye ángá fwa ye ra.

Ge senggwa be bu e no a ju m, ya e gwa be ga anga ra. Be bu e no a ju m ya e gwa bwi ga anga, ge tsase be anga evǝa be e tu e bi adi ga egwam hon gaten.

Ena a edon mam: Nye e dgyan sojunye abu m dgyan nye anga.

Atan a nye gwa be ga àywá, Àtà m a ben egǝ̀n, be nobǝ a yi jan nya be etsonchi mam.

“A me ma tu enabi ebi, Àtà m a yawa hon a ge.

Ano ende akan no ye anga a tswa m ra, ga no abu bu mo tumo a be ti twafwa ara, e ngǝ́ ara. Be te a fǝn be yishwa bu tumo ena kpu a nggwa a fǝ̀, fǝ̀ hon de a gu be.

M̀ jan ara nye fwa ena evǝa vǝtsen mam ngge ḿ mo nye, e té mò akan. Ekǝnggwa, nya no ngge vǝtsen embombo.

Ano nye tse be edon mam, nya no a tswa mo edgyan mam. Abu m̀ tse be edon mo Àtà m, ngge m no anga a tswa mo edgyan mbwe ángá.

Ena a edon mam hon: Nye e dgyan sojunye.

Ano nye no be nobǝ ya e yi be Ehwya ra, be nobǝ mo zǝnchaje hon a dgyan nye adia nye no abu be ángá. Tea, nye fwa nye ḿ mo zǝnchaje efwe ra, m swa nye gwa ara a je a tswa mo zǝnchaje hon. Ena a mò e bwe zǝnchaje ze nye anga.