Popular Bible Verses from Luka 11

Share

Ano a nye, be ya ebgen, nye yi abu nya no mbǝgya mo nye mò esese, Ate nye e no a kpe ángá, a no ye be ya e bgó ye Engǝ́ Echanwenwen anga Engǝ́ hon ra?”

“No enona, me e jan nye: nye bgó, ba no nye; nye tkunda, nya ben; nye kǝn bu, be fki a gwa nye tafǝmo.

Adia ende e bgó, ba no ye, ende e tkunda ben anga èé ngge ende e kǝn bu anga, be fki a gwa ye tafǝmo.

Gè jan be jan, “Atan a nya bgó ebgo ángá, nye e jan, “ ‘Ate je Ehwya, nobǝ be e bwe e gǝ̀n ti echanwenwen mbo, be nobǝ be e yi jan wa Tì, be e bwe mò a o edgyan anga a zǝnchaje, abu be bwe nó anga a kpe ángá.

Gwano je be ebgen mo je, abu je gwano be ya e bwe je edan anga. We gwa mbo embwadi ge e tkyan echafǝju mo je ra. Tea we ti e vǝ́ je a bu mo Shetan.’ ”

No je nogwa nogwa, be mò a je nda anga, mo nò hon.

“Fǝzǝn mbo a petila mo ju o. Atan a fǝzǝn mbo no a tswa etkwaju, ju o binbin no a tswa enggasansan. Tea ano fǝzǝn mbo fo ye etkwaju ra, etwafǝfǝ a mbo o ju.

“Nobǝ akan a ton petila ti a nyi ye engǝ̀tonton ra, ga ti nó a nyi ye a ta mo hwa ra gaten. Ge ti nó a tu adi echizǝno mo nó, evǝa be ya e kwa a shwa a àtá anga di a ben zǝn.