Popular Bible Verses from Marku 6

Share

Tea adia be nobǝ embo è no bwa anga nè no nya anga, bè ben be engga be ti e de mode ra. Kǝnggwa Yeso è jan be etsonchi mbwe gwi chu fà jan, “Je e ken adi zǝn e no etswatswa ju abu nye e tke nya nwofyan.”

Yeso è jan be, “Kpwà a eten mbwe, a engga mo be nwenjwa ye ngge a tswa kan mbwe ye, a efojan fwa ye ngge egǝ̀n ra ángá”

Atan a Yeso è gwa a je adi ngga ángá, gè di be nobǝ embo ya è no a zǝn hon ángá, gè di ashi mo be, adia bè no abu be son ya e ben be ya efyomo e dgon be anga ra, enona, gè kwa ara be mò embo moetum.

Gè bwe ye moeditanm akan a zǝn ra, kpwà ge tu be ya modwa ya e fwa be àywá ra, bu a chu nè matswa be. Gè tàn ebwikpe adi chaebi a bè fwa be ngge nó ra ángá. Kǝnggwa Yeso è tku ken a tswa be eten eten, nè no tú be mò anga.

Yeso è kpu be bi chwen mo borodi ngge gwejo fà hon nè ta kpà vǝ́ cha kpe, nè chwano Ehwya, nè bwìkwa be bi borodi hon nwofyan nwofyan. Gè kpu no be etsonchi mbwe be e kpu e no be nobǝ hon. Gè bǝkwa be gwejo fà hon kpu no be gaten. Binbin mo be nobǝ hon, è de mbo tén dgyèn mo be. Kǝnggwa, be etsonchi è tefǝn gu be ebwibwi mo borodi ngge gwejo hon, éè dan ángá mboshi esha gwi chu fà.