Popular Bible Verses from Iwinna 11

Share

Ugbẹn vbe ọ ghi miẹn ọẹn, ọ keghi rhie ẹre gha die Antiọk. Vbe ukpo hoho gbalaka, iran eva kegha gu emwa esọsi do iko, iran kegha ma otu ni bun emwi. Antiọk ọre a na ka gha tie avbe erhuanegbe ivbi Otu e Kristi.

U gbẹn vbe ọ ghi sẹ evba, ọ keghi miẹn vbene Nọyaẹnmwa fiangbe emwa nii hẹ, ẹko keghi rhiẹnrhiẹn ọẹn ẹsẹse, ọ keghi bu iran ude wẹ ne iran ya ekhọe iran hia mu ẹtin yan Nọyaẹnmwa ne iran vbe gha ga ẹe. Banabas keghi re ọmwa esi ne ọ vuọn ne Orhiọn Ne Ọ Huanrẹn kevbe iyayi. A keghi viọ emwa ni bun bu Nọyaẹnmwa gha dee.

Aro da ẹe wẹ te Osanobua vbe rhie ne iran ne ẹ i re Ju na, egbe ọhẹ ne ọ rhie ne ima vbe ẹghẹ ne ima na ya Nọyaẹnmwa Jesu Kristi yi, gha ọre imẹ khekherriọ ne I gha na da Osanobua obọ yi.” Ugbẹn vbe iran ghi họn ẹmwẹ na, iran keghi dobọ ẹzọ na gui yi, iran keghi rho Osanobua vbe uyi wẹẹ, “Ọnii rhie maa ighẹ Osanobua vbe rhie otọ ne iran ne ẹ i re Ju ya fiwerriẹ ne iran ghẹ wulo.”