Popular Bible Verses from Iwinna 2

Share

Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.

Iran keghi wa ya ẹghẹ iran hia gha ruẹ emwi vbe obọ avbe ukọ, iran keghi rhie egbe ba iran. Iran kevbe gha re vbe evbare ne iran hia gha re, iran kevbe gha deba iran na erhunmwu.

Iran hia keghi wa vuọn ne Orhiọn Ne Ọ Huanrẹn, iran kegha zẹlẹ ẹvbo ọvbehe, zẹ vbene Orhiọn rhie ẹtin ne iran.

Vbe udomwurri, iran keghi họn ogbigbi ke odukhunmwu gha dee, ọ yevbe ọghe okpẹhoho ne ọ hoho, ọ keghi wa vuọn owa nii ne iran tota yi. Iran keghi bẹghe emwi eso ni ye vbe aranmwẹ erhẹn, ọ kegha miẹn otọ khian, aranmwẹ nii keghi dekan emwa hia ni rre evba. Iran hia keghi wa vuọn ne Orhiọn Ne Ọ Huanrẹn, iran kegha zẹlẹ ẹvbo ọvbehe, zẹ vbene Orhiọn rhie ẹtin ne iran.

Ẹdẹgbegbe, iran keghi ya gha mi egbe vbe uwu Ọgua Osa zẹ vbe otu ọkpa. Iran keghi gba gha rri evbare iran kugbe vbe owa, vbe ọyẹnmwẹ kevbe amu egbe rriotọ. Iran kegha rho Osanobua vbe uyi, agbọn hia keghi wa gha ta ẹmwẹ iran ne ọ maa. Nọyaẹnmwa kegha viọ avbe emwa ne a ra miẹn fan ba otu iran ẹdẹgbegbe.

“ ‘Ọ gha sẹ ẹdẹ okiekie, erriọ Osanobua khare: I gha hihiẹ Orhiọn mwẹ yan emwa hia. Ivbi uwa ne ikpia kevbe ne ikhuo gha guan ẹmwẹ akhasẹ avbe igbama ghi gha miẹn umian, avbe ọmaẹn ghi gha mian imina.

Iran ni yayi hia keghi wa gba gha ru emwi hia kugbe, iran keghi ghae ne egbe vbe emwi ne iran mwẹ. Iran ghẹ ghi khiẹn emwi ewe iran, kevbe emwi ne iran mwẹ, iran hia ghi gba gha igho ẹre zẹ vbene edọmwadẹ ọghọe i te ya mwẹ.

Ọmwa ne ọ rhirhi da tie eni Nọyaẹnmwa, a gha miẹn rẹn fan.’

Owẹn gha so ebiebi, uki ghi gha baa vbe esagiẹn, vbe Ẹdẹ uyi nọkhua ọghe Nọyaẹnmwa te do rre.