Popular Bible Verses from Gẹnẹsis 32

Share

Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.”

Okpia nii keghi kha wẹẹ, “Sẹmwẹ rae I ghe te ẹdẹ ghi ra gbe.” Sokpan Jekọb wanniẹn wẹẹ, “I i suẹ rae vbe ẹ i re te u fiangbe mwẹ nẹ.”

Ọ keghi kẹ irẹn ọkpa vbe odieke. Orhiọnkpa keghi do guẹe vẹn ẹdẹ te do gbe.

E Jekọb keghi kha wẹẹ, “I miẹn Osanobua vbe ghe aro mwẹ ghe aro ruẹ, I keghi ye rre agbọn.” Ẹre ọ na ghi gha tie eni evba nii Peniẹl.

Okpia nii ghi miẹn we obọ ẹre ra gba irẹn, ọ keghi gbe emwi ye Jekọb ugboloko ẹkun, ẹkun ẹnrẹn keghi lahin akhuẹn rre vbe ne iran na vẹn nii.

Ọmwa nii nọ rẹn wẹẹ, “Vba a tie eni ruẹn?” Rẹn wanniẹn wẹẹ, “E Jekọb.”

E Jekọb keghi kha wẹẹ, “Lahọ ta eni ruẹn ma mwẹ.” Sokpan rẹn wanniẹn wẹẹ, “Vbọzẹ ne u na nọ eni mwẹ?” Ẹre ọ ghi na fiangbe Jekọb.

Mẹ ma sẹ ne a gha mwẹ itohan kevbe ẹmwẹ ọmwa yẹ ọmwa ne uwẹ mwẹ ghe mwẹ ghe, mẹ ne ọguọmwadia ruẹ. Vbe I fian Jọdan rra, mẹ mwẹ ọkpa kẹkan nọ, banbanna nian, mẹ vbe otu eva na ghi nọ.

Ọnii ọ siẹe ne a na miẹn wẹ uhin do sẹ ẹdẹnẹrẹ na, uniẹn ivbi Izrẹl i rri inian ne ọ rre ugboloko ẹkun rhunmwuda inian ni ọre a na fi e Jekọb emwi.

Ẹre Jekọb na na erhunmwu wẹẹ, “Osanobua Ebraham ne erhamwẹ odede kevbe ọghe Aizik ne erhamwẹ, u ghi danmwehọ mwẹ, wẹ ọ re ọ tama mwẹ Nọyaẹnmwa wẹẹ, ‘Ne I werriegbe gha rrie ẹvbo mwẹ ne I vbe bu avbe etẹn mwẹ, wẹẹ u gha ruẹe ne emwi hia gha ma mẹ.’

Lahọ, miẹn mwẹ fan vbe obọ ẹtin Isọ ne ọtẹn mwẹ. Afianma fian mwẹ we te ọ dee ra do gun mwẹ gbinna ne ọ wa fuẹn ima-an kevbe ikhuo kevbe emọ negiẹrẹ.