Popular Bible Verses from Jọn 21

Share

Nnị nyẹ́fị fama sáá, Jizọs, Saimọn Pita ḅẹm, <<Saimọn Jọn tụwọ ị́ i ḅẹlẹma mịnanyẹ mamgba nẹ́ngị?>> Pita pagharam, <<Innh Kị́nị́nyánáḅọ, i nimim ḅẹẹ a i ḅẹ́lẹ́mam.>> Jizọs ọ ḅẹm, <<Ị́yẹ́ ánáná siḅee.>> Jizọs sima ọ ḅẹm, <<Saimọn Jọn tụwọ i tụ́ma ḅara pa i ḅẹlẹma?>> Ọ pagharam, <<Innh Kị́nị́nyánáḅọ ị nimim ḅẹẹ, a ị ḅẹ́lẹ́mam.>> Jizọs ọ ḅẹm, <<Iyẹ ánáná siḅee.>> Jizọs tẹ́rẹ́ kárámá sáá pa ọ ḅẹm, Saimọn Jọn tụwọ, ị́ i ḅẹlẹma? Mịma Pita ḅụfịịm tegó ori tẹ́rẹ́ kárámá sáá pa ọ gbilam ḅẹẹ, <<Ị́ i ḅẹlẹma?>> Ọ pagharam, <<Kị́nị́nyánáḅọ ị nyẹ gonyẹ́ gonyẹ́ nimim, i nimim ḅẹẹ a i ḅẹ́lẹ́mam.>> Jizọs ọ ḅẹm, <<Iyẹ anana siḅee.

A karakárányẹ ma dugho ị pịrịm, ịrị ásátụ́wọ ḅụ fịnị sa i ḅara na bịtẹ pa ịḅụ suam pịghị i dọghụ angaá muu: kụ́ma ịrị olom sáá ị ḅara sụghụmabẹm sị jụghọ bịtẹ pa ị sua pịghị i daá i dọghụgha angaá muu.>>

Jizọs wárị n ḅẹẹ, <<Ọmịnị ịgbọ ma waghi árụ́ ma ámáḅara angaá ọ pịghị nji kuubẹm.>> Nnị ọkọ mịẹ sáá nnị ine ịgbọ ma nụ́nụ́ árụ́ ma bie sẹgha anị kuu mánámāná nji gosi.

Saimọn Pita dugho n pịrịm, <<A pághá ịgbọ muarị,>> nnị ọ pagharam, <<Wamịnị i nana muubẹm.>> Nnị wárị ori na muu árụ́ ma ḅụlọ, kụ́ma anị dii gbọrụ ma nnị gbẹ́rẹ́nyẹ sọ kuuḅogha.