Popular Bible Verses from Luk 14

Share

<<I damaḅo ḅọ gonyẹ́ gonyẹ́ ine ị́yẹ́ asọduaḅọ sọbịgha ḅọ́rọ́ n ḅọ i ḅẹlẹma nna nyingi na nna daa nẹ́ngịgha, na pịghị nna taa, na nna awọ, na nna mịná owiapụ, pịghị nna mịná ẹ́rẹ́ámáapụ na pịghị nna ḅụgbọrụ.

N ḅọ mgbẹsẹ sị́ saghị akị sị ine i duaghaaḅọ gonyẹ́ gonyẹ́ ine ị́yẹ́ asọduaḅọ sọbịghaa.

Amịna ḅụ saghị iwoma ḅo gonyẹ́ gonyẹ́ nnị n ḅo siteremabẹm, amịna ḅụ siteremaḅọ gonyẹ́ gonyẹ́ nnị n ḅo saghị ịwọmabẹm.>>

Anị gbẹ́rẹ́ ḅara ma, ọmịna ḅụ gbẹ́rẹ́ḅọ so ine ị́yẹ́ asọ duabịgha n ḅọ, n ḅọ nyánányẹ gonyẹ́ gonyẹ́ sịghịgha nḅẹḅẹ́.

<<Ọmịna bie tọarị ḅo imi ḅẹẹ, n ḅọ sóghólóḅa yọ namabim, sị parị kpọrọfịnị sị anị la bẹ igbii bịpị kịẹbịgha sị nimi n ḅo igbii ine anị nama kárámá bẹ? Ḅọ́rọ́ o sughu isé fámam sị mịnị ine anị nama fámágha, anị árị ḅọ gonyẹ́ gonyẹ́ saghị o kombobẹm ḅẹẹ, <Mịị owitụ́wọ ma saghị warị namam, kụ́ma ị́ ine anị nama kárámagha.>

Kụ́ma ị fị na ḅụ ti kóróma nḅẹḅẹ́, igonyiapụ ma sị, oju karagha nwángịapụ ma na ikúléapụ na pịghị Tọ́rụ́pụ́apụ ma sịị, mịma ḅụ ḅọ́rọ́ nnị ị karịibimabẹm, tegó mịnaapụ ma nnị ine sima igbẹbịgha. Tamuno sima igbẹbẹm ibiapụ ma fịị ḅụ saghị bẹ éné ma.>>

<<Fụụ ibim, kụ́ma anịị anị ḅẹlẹ ḅuma ma nḅẹḅẹ́, tumḅọ tọ́rọ pa sima anị pa fụụ mịẹ ḅẹ́? Anị ibikiri ma pịrịgha, anị pighi ibi ịlọ́lị ḅúma yọ sọ pịrịgha, ḅuma anị túminị́ anị pa ḅúmaarị nyẹ. <<Biri nyánáḅọ gonyẹ́ gonyẹ́ náa.>>