Popular Bible Verses from Luk 6

Share

Nyẹ pa jẹ́apụ pịrị, Tamuno sọ nyẹ pa i pịrịbẹm. Ibima tọ́ọ nyẹ, pụnụ téréma, jighe gboloma, bi wasa sị osu saraarị, anịị n tọ́ọ ị ḅarabie sara bẹnyẹ. Ḅẹẹ i tọ́ọ jụghọ pịrị ḅara anị ḅara ma anịị n pa pịghị tọ́ọ ị pịrịbẹnyẹ.>>

Ibi tumḅọ n ḅọ tẹ́mẹ́bie fịnị ibi kóróma ma ḅụ ḅọ́rọ́ ibi nyẹ mịẹarị, sii tumḅọ sọ pịghị n ḅo tẹ́mẹ́bie fịnị sii kóróma ma ḅụ ḅọ́rọ́ siinyẹ mịẹarị. Nyẹ kúkúbie ma biimaẹrẹ, bịpị ma anị dugho pághámá pághámam.

Kụ́ma ị́yẹ́ iruonaapụ ḅẹlẹma, ibinyẹ mịẹ n pịrị, igbii pa n ḅọlọ, tọ́rụ́ pa ị́ n ḅarabie nyáná ḅo ḅẹnyẹ dighigha pa. Anịsáa, anịị ọmịnị opu gbẹ́ẹnyẹ nyáná bẹnyẹ ọ pịghị sóghólóḅa Tamuno awọ ma sọọ bẹnyẹ tegó ọ ḅẹlẹma nyáná, nyẹ tọ́rụ́ sọghaapụ ma pịrịm na pịghị sii túminị́ na.

Tọ́rụ́kụrụkụ́rụ́ nyáná, ị́yẹ́ Daḅọ tọ́rụ́kụrụkụ́rụ́ nyáná ḅara.

<<Jẹ́apụ sịbị ḅẹ́rẹ́kọ ma, Tamuno sọ i sịbị ḅẹ́rẹ́kọbịgha ḅara. Ḅẹ́rẹ́ pa kị́nị́ ḅarasima ma, Tamuno so ḅẹ́rẹ́ pa i ḅara simabịgha ḅara. Sii wáriso, Tamuno sọ sii wáriso ị pịrịbẹm.

<<Kụ́ma a dugho ọmịnị i naarịapụ pịrịm: ị́yẹ́ iruonaapụ ḅẹlẹma, ibi mịẹ ị dighi tọ́rụ́akụapụ pịrị. I gbooapụ karịibima, tẹ́ghẹ̄ siinyẹ pa imiẹapụ pịrị.

Mịẹ jẹ́apụ pịrị, ịrị dọghụnyẹ n mịẹ ị pịrị.

Tumḅọ ḅọ́rọ́ ị́yẹ́ gbẹ́rẹ́ lughu angaá ḅụ i ḅụ́rọ́ ḅụ́rọ́, isi angaá lughu pịghị pa ọ pịrị ọ ḅụ́rọ́; tumḅọ i sua jọmpa akị akị, n ḅo pịghị ị́yẹ́ biefuru bịtẹ akịị. Nyẹ pa i ḅara nyẹ bííapụ gonyẹ́ gonyẹ́ pịrị tumḅọ ị́yẹ́ nyẹ akịkị, dugho ọ pịrịma ḅẹẹ ori anị pịghịma ḅo ị pịrị.

<<Ibi sị sii sịmgbọlụ sua suagha, sii sị ibi sịmgbọlụ sua suagha.

Sị gonyẹ́ gonyẹ́ nnị anị nimim anị suaarị sịmgbọlụ gosi. Ị fịgị taḅobịgha nangi sị ọ́gọ́nọ anịgha grepụ kịẹ ḅo akpe sị ọgọnọ.