Popular Bible Verses from Luka 13

Share

Păng plơ̆ lah ma khân păng: “Nsrôih hom gay lăp tâm mpông huêt, yorlah Gâp lah ma khân may, âk bunuyh mra joi gay lăp ta nây ƀiălah mâu dơi lăp ôh.

Ta nây, geh du huê bu ur brah djơh lơh ƀư ma păng ji kuet jât ma pham năm, ndŭr kơi păng krô, mâu hôm dơi dâk sŏng ôh. Tơlah saơ bu ur nây, Brah Yêsu kuăl jêh ri lah: “Hơi bu ur, ay dơi rklaih bơh nau ji kuet ay jêh.”

Jêh ri Păng pah ma ti păng. Ƀât lât, bu ur nây dâk sŏng tay, jêh ri tâm rnê ma Brah Ndu.

N'hêl nanê̆ ngăn, geh phung bunuyh nglĕ mra jêng lor, jêh ri phung bunuyh lor plăch jêng nglĕ.”

Tơlah kôranh ngih dâk jêh ri nchăng mpông jêh, khân may gŭ padih, goh mpông jêh ri kuăl pô aơ: ‘Ơ kôranh, dăn pơk mpông ma hên!’ Păng mra plơ̆ lah: ‘Gâp mâu gĭt khân may ntŭk tă.’

Gâp lah ma khân may, mâu di; ƀiălah tơlah khân may mâu rmal nau tih, khân may mra rai roh tâm ban lĕ.”

Ƀiălah păng mra lah ma khân may: ‘Gâp mâu gĭt khân may tă ntŭk. Lĕ rngôch phung ƀư nau mâu di, du ngai hom tă bơh gâp!’

Pôri, Brah Yêsu lah: “Mâm đah dơi tâm ntĭt ƀon bri hađăch Brah Ndu? Moh ndơ Gâp dơi ƀư tâm ban ma păng? Ƀon bri hađăch nây nâm bu du găr trau, du huê sŏk gay tăm tâm đang trau, păng hon jêng tơm si toyh, jêh ri phung sĭm trôk ƀư rsuăn ta n'gĭng păng.”