Popular Bible Verses from Luka 17

Share

Jêh nây Păng lah ma bunuyh nây: “Dâk jêh ri hăn hom, nau chroh may ƀư bah may jêh!”

Nđâp tơlah tâm du nar, oh nâu may ƀư tih đah may pơh tơ̆, jêh ri pơh tơ̆ păng plơ̆ tay ma may, lah: ‘Gâp rmal nau tih gâp,’ ăn may yô̆ an ma păng.”

Geh du huê tâm phung khân păng saơ hŏ geh nau bah jêh, plơ̆ sĭt ro, bâr huy tâm rnê Brah Ndu, jêh ri tât chon mon ta jâng Brah Yêsu jêh ri lah ueh ma Păng. Nơm nây jêng bunuyh Samari.

Khân may njrăng hom ma khân may nơm. Tơlah nâu oh may ƀư tih, nduyh nkra hom! Tơlah păng rmal nau tih, yô̆ an hom!

Brah Yêsu lah: “Mâu di hĕ jât bunuyh dơi kloh jêh da dê? Ta ntŭk sĭn bunuyh nĕ?

Brah Yêsu plơ̆ lah: “Tơlah khân may geh nau chroh tâm ban ma găr trau, khân may đă ma tơm si balsam aơ pô aơ: ‘Rôk hom jêh ri tăm tâm dak mƀŭt,’ păng mra tông bâr nau khân may đă.

Mbu nơm joi nau gay tâm rklaih nau rêh păng nơm, mra roh, ƀiălah mbu nơm ƀư roh nau rêh păng nơm, păng mra geh nau rêh.

Brah Yêsu lah ma phung oh mon: “Geh âk ntil ƀư chêh prah, ƀiălah rêh ni yơh ma nơm ƀư nau chêh prah nây! Ueh lơn kât mpăl lŭ ta trô ko păng jêh ri klŭp păng tâm dak mƀŭt, ma ăn păng ƀư ma du huê tâm phung kon se jê̆ aơ ƀư tih.

Tâm rnôk Y-Nôê tâm ban lĕ ri mơ tâm nar Kon Bunuyh nâm pônây: Bu nhêt, sa, tâm gŭ ur sai, ƀư ndrôi, kŏ tât nar Y-Nôê lăp tâm kumpăn, jêh nây dak rdŭl bŭk lip tât ƀư rai lĕ rngôch.