Popular Bible Verses from Luka 3

Share

Nôk lĕ rngôch phung ƀon lan dơn nau ƀaptem da dê, Brah Yêsu dơn đŏng nau ƀaptem. Dôl Păng mbơh sơm trôk pơk mpơl, jêh ri Brah Huêng Ueh jŭr tâm rup tâm ban ma sĭm plŭk drâm klơ Păng; jêh ri geh bâr ngơi tă bơh trôk lah: “Kon jêng Kon Gâp rŏng ngăn ngên, Gâp geh nau maak ngăn.”

Yor ri, Y-Yôhan plơ̆ lah ma lĕ rngôch bunuyh: “Gâp ƀư ƀaptem ma khân may ma dak; ƀiălah geh Nơm geh nau dơi lơn ma gâp mra văch, gâp mâu khư ôh doh rse ntâu jot Păng. Păng mra ƀư ƀaptem ma khân may ma Brah Huêng Ueh jêh ri ma ŭnh.

Pôri, play kao hom tâm di jêh ma nau tâm rmal nau tih; lơi mĭn êng: ‘Y-Abraham jêng chô yau hên’; yorlah gâp lah đah khân may, Brah Ndu klăp lah ƀư ăn lĕ grăp lŭ aơ plơ̆ jêng kon sau ma Y-Abraham.

Sung hŏ dơm jêh ta reh tơm si, tơm si mâu geh play ueh, bu mra kăl lơi jêh ri klŭp mƀăr tâm ŭnh.”

nâm nau nchih jêh tâm ndrom samƀŭt nơm mbơh lor Y-Êsai: “Geh bâr bunuyh kuăl nter tâm bri rdah: Nkra hom trong ma Kôranh Brah, ƀư sŏng lĕ trong Păng. Lĕ rngôch rlŭng mra brôi ăn bêng, Lĕ rngôch dor yôk ƀư ăn dêh; Trong kue nkra ăn sŏng, trong nduh ndăp mra ƀư ăn lâng; Jêh ri lĕ kon bunuyh mra saơ nau tâm rklaih tă bơh Brah Ndu.”