Popular Bible Verses from Leviticus 26

Share

Aro me kuo te kue ram no me mina Bangara, no ram mam oyra qo boysi ro.

Aro me peqani moyqa te oyra sada sa taveni, no lua me masuru no oyra azu mara vere vataba.

Sada ram kam koype oyra qo vato no kam vauteve vanoyi oyra qo tamana

Aro me kea bole te kue ram, no sada ram mam bokolo te pam, kareo ka pita me vaisi ram. Aro me vakoyu oyra pita peru te vodu ram kam kue, no oyra mina kana kama majala doyra aratara koype ram.

Aro me mi latu te kue ram no aro me vavere vataba ram no me vazadeve ram no aro me vavoto qo vato arapokitini te kue ram.

Aro Iaova mina Bangara, ko koype kesini ram Ijipi voy ram kasi mina kuo sika vele te kue oyra boysi ni Ijipi; Aro ko lopo mina ero noyqata no ko vamoyo ram mam zo vasagamana te ngoyni mam tae.

Aro me kuo koype ram, no aro kama majala qo sukini ram.

Kasi joyjuni bangara sosolaka ba tuteve vovoju ba kasi vadere kieke katora vojele, no kasi toyru ni katora ram kam tuteve te vodu ram kam kue voy mam vazaka. Aro Iaova mina Bangara.

Ram aba mam oyke to oyra mina papala te ave sala ne me doka te sada ram mam vanukere sia oyra mina papala bana no mam sute la mina papala varoqa.

Loyma to ram mam voyevale kieke ubi boysi te aratara, no kieke ubi ram mam voyevale mano mau boysi te aratara, no ram mam voyevale oyra mina kana te aratara.

Ram mam beleke lezu me doka te sada me miqa napu petae vaini mam papala no mam papala me doka te sada mam titiba, no ram mam pale pitanaki sa gae te mina soyko no mam kuo vasasapu te mina vodu.

Ram mam koyle rokisini oyra mina kana, no ram mam voyvale taba oyra mina kana te aratara.

Miatoyke qo tava taboyna no me kuo mina padapada te ngoyni taboyna. Aro Iaova.