Popular Bible Verses from 1 Koriniti 1

Share

Ba isa tugu na sakasa qai doro veinia na duduvilina ira na tinoni pa kasia gusu sa sa vilea na Tamasa ko sa vakeaniria sira na tinoni gigalaidi; beto ko isa tugu na sakasa qai doro veinia kepore ona neqi ira na tinoni pa kasia gusu sa sa vilea na Tamasa ko sa vakeaniria sira na tinoni neqidi.

Ura na nongorona na Karisito sa mate pa korosi sa kepore sosoto veveina pana tadira qai muma, ba tadagita taqe korapa taalo sa na nongoro isa sa na neqi tana Tamasa.

Isa na roiti sa roitinia na Tamasa sa sa vei kai sakasava duduvilina pana dodogoro tadira na tinoni; ba na Tamasa sa sa gigalai jolania na gigalai tadira na tinoni. Beto isa sa roitinia na Tamasa sa sa vei kai sakasava munyalana pana dodogoro tadira na tinoni; ba na Tamasa sa sa neqi jolania na neqi tadira na tinoni.

Na Tamasa sake boka teteria nona paranga. Ko isa tugu sa na Tamasa sa sorugou ko qu mekarai toa tavitia agou sa na Tuna na Tamasa, i Jisu Karisito na oda Bangara.

Ka visa tavitiqu, qa tepa vivitigigou ara pana isongona na oda Bangara i Jisu Karisito sagou ko mu mekarai suvere vaikamu. Ko pana miu mekarai suvere sa muke okoto tapipikata pana gogoto minete, goto mu kame gu pana roroqu beto pana uana.

Ko kopira pai sa na tinoni gigigalai? Pai sa na tinoni tomena pana Vavanau ti Mosese? Pai sa na tinoni pa kasia gusu api sa boboka vivitigi pana vaiguaniria na rorove? Na Tamasa sa vatadogoronia sa na gigigalai tadira na tinoni gigalai sa na gagale pupugu gu.