Popular Bible Verses from 1 Koriniti 15

Share

Ko inara sa vei, ka visa tavitiqu jojonga, mu turu vamauru beto muke tavarijo pana miu rarange. Mu jujunonia na roiti tana Bangara, ura qu gigilaimiu agou sa kepore sa kai roiti qu roiti vania na Bangara sa na goborona.

Ba gita ta paranga jongana lao tana Tamasa isa sa vanigita na boboka ko taqe vakilasia noda kana pana roiti sa roitinia na oda Bangara i Jisu Karisito.

Muke vamalumuria ira na tinoni ko mai valoposogou: ira na baere ikeredi sa qai ngangulia na uana jongadi.

Ba pana variroqu vaialona tana Tamasa sa ara sa isa ara kopira, ko na ona vairoqu vaialona isa sa vanisiu ara sa nake goborona. Ba ara tu sa qa pavu tale jolaniria ira doru tinoni tagarunudi, ba nake pana qua boboka sa qa vei, goto na vairoqu vaialona tu tana Tamasa sa sa somana pana taqu.

Mate, eo moko sa na mua boboka qu vavaivakilasania ao? Mate, eo moko sa na mua neqi qu vavaigaratania ao?>> sau. Na neqi vavaigaratana tana mate sa na sela beto na neqi tana sela sa na Vavanau.

Mu vainongoro lame ko! Ma pojanigou sa na sosoto sa kole golomona api: gita sa tanake mate beto, goto tana tabei beto, pana leona iapeki peki totoso vei kai vakipu mata, tonai mina vaqoro sa na kuvili bebetona. Ura tonai mina vaqoro sa na kuvili bebetona, poni sa mai tavaturu mule sira na tinoni matedi ko maike boka mate ligu, beto sa gita tana tabei.

Ura taqe gigilaioda gita sa pana roiti tana kai tinoni sa tome lame vei sa na mate, ko pana soana vei tugu isa sa pana roiti tana kai goto tinoni mule sa mai tavaturu mule pana mate sira na tinoni. Ko kai muqisi podeke vei pana dia kole kame ti Adama sa dorudi sa qai mate, poni sa pana dia kole kame tana Karisito sa dorudi sa mai tavatoa mule.

Na tini sa boka nyabo api sa mina tabei lao tu pa tini minake boka nyabo, beto ko isa mina mate sa mina tabei lao tu pana tini minake boka mate.

Ura na Karisito tu sa mina Bangara tinganai na Tamasa mina vakilasaria sira doru ona kana beto ko mina vakole kaurairia tana Karisito. Na kana vinabebetona mina tavakilasa manyao sa na mate.