Popular Bible Verses from Luke 12

Share

Ko inara sa vei sa agou ba mu kole suvere vanaqiti. Ura na Tuna na Tinoni sa kode mina mule lame pa totoso agou quke rove veinia mina lame,>> sau si Jisu.

Goto agou sa mu nyaqo momoea mai tu na binangara tana Tamasa, beto mina vanigou isa sira doru sakasava veveidi aipira,>> sau si Jisu.

Beto sa pira sauniria i Jisu sira doru, <<Mu kopu mulenigou! Muke vapugelenia na nyoguana na isisongo sa na miu toa. Ura na toa tana tinoni sa sake kole pana pugele nyonyoana na ona isisongo,>> sau.

Ura ketakoi qai kole na miu isisongo sa ketakoi tugu qai kole sa na bulomiu,>> sau si Jisu.

I sei agou tonai sa kole suvere takulanga poni sa tei boka vakakasia mai tu iapeki sa na ona toa? Bi mija tugu!

Beto sa pira sauniria i Jisu sira na ona sepele, <<Ko sa vei inara sa ara ma pojanigou: muke kole mamatania na miu toa beto na sa muna gania, babi na tinimiu beto na sa muna pokonia.

Goto agou sa na vurungumiu gu pa batumiu ba sa tei gigila betoriaona tu na anyedi na Tamasa. Ko sa vei sa muke matagutu. Ura agou sa qu poreveveina jolaniria joa ngavulu pitikole!>> sau si Jisu.

<<Muke matagutu, qua minete, ura na Tamamiu pa noka sa na ona binangara tu ba sa tei vajonganai tu ko mina ianigou.

Mu doro laoria sira na manugu qai tatava ko! Ira sa qaike umuma beto qaike ababu, beto sa kepore tugu vei na dia ruma vavavakoleni gaganina, ba na Tamasa sa iaria gu sinara! Ba agou tu sa qu poreveveina jolaniria na manugu tatatavadi!

Ko inara sa vei sa, muke nyaqo gogojoria doru totoso agou sa na sakasa muna gania na bukua beto mike rabeke na miu roroqu.

Ira gu na avoro qaike toa vasovai beto qai tagona lao pale pa niku ba sa vapopokoria tugu na Tamasa sira. Ba agou sa qu poreveveina jolaniria na avoro, ko sa sosoto jola sa kode mina vapopokogou isa. Sa ikete jola na miu rarange sagou!

Ura na sakasava sa tatuki tari sa mina tatakele votu, beto na roroqu tagolomona sa kode mina tagigila tadira na tinoni.