Popular Bible Verses from Yowane 19

Share

Erhi Yezu ayûs’inywakwo eyo nkalishi, aderha, erhi: «Hoshi aho». Anaciyûnamya irhwe, arhengamwo omûka.

Enyuma z’aho, Yezu erhi amanyirîre oku byoshi byayunjwîre, mpu lyo ebyayandisirwe byoshi bibà, anaciderha, erhi: «Enyôrha yamangwârha»

Erhi Yezu abona nnina n’olya muganda arhonyagya eburhambi bwâge, anacibwîra nnina, erhi: «Nyoko we, alà mugala wâwe». Abwîra n’olya muganda, erhi: «Alà nyoko». Kurhenga ago mango nyamuganda amuhêka emwâge.

Erhi bahika hali Yezu, bashimâna afîre; barhavunaga milundi, ci musirika muguma amushinga itumu omu lubavu, na halya honênè mwarhenga omukò n’amîshi.

Ebyo byoshi byabîre mpu lyo Amandiko gayunjula: Barhakamuvuna kavuha ciru n’akaguma, N’ahandi kuyandisirwe, mpu: Bayish’ilolêreza oyu bafundaga itumu.

Abarhula omusalaba gwâge, arhenga omu Lugo, ajà ahantu haderhwa «hantu h’Empanga», omu cihabraniya «Golgota».

Abasirika banaciluka ecimane c’emishûgi, bamuhiraco omw'irhwe, bamuyambika ecishûli cidukula.