Popular Bible Verses from Yowane 2

Share

Co cisômerîne cirhanzi ca Yezu eco. Acijiraga e Kana omu Galileya. Ayêrekana irenge lyâge, n’abaganda bâge bamuyêmêra.

Naye Yezu amushuza, erhi: «Nyoko we, k’okwo kurhuyêrekîre? Amango gâni garhacihika».

Yezu ababwîra, erhi: «Yunjuzi orhu rhubindi mîshi». Barhumbumba kuhika oku muhiro. Ashub’ibabwîra, erhi: «Domagi, muhekere omushongwe». Banacimuhêkera.

Naye Yezu abashuza, erhi: «Shabûli aka ka-Nyamuzinda; nashub’ikayimanza omu nsiku isharhu».

Ayanka omugozi, ahunga omunyuli, abahulusa boshi omu ka-Nyamuzinda bo n’ebibuzi n’enkafu zâbo; ashandâza ensaranga z’abakâg’ikâba n’oburhalulè bwâbo abukunungula. Anacibwîra abarhunzi b’engûkù, erhi: «Rhenzi ebi. Enyumpa ya Larha murhayihindulaga cibuye».