Popular Bible Verses from Matthew 24

Share

Jashit jaksom cha lo aa rangma miq daqhan tinmat sha nùng ti na. Utang uthun nángduk thanan eq jintong aa, piq hun lunna.

Etho mungtan tungtang qhal sha mingkang thaji sho phanchan na, iri raaq rima miq thaji phan ajat sha miikkhi angna. Iri jio mingkang thun sha thu phana.”

Nim aa arelna thamol hit ring rak tat nin etho alo wang thamol hit raaq kap tat nin. Eshi rangham o nak cho inn, chammatakoi eshitang sha ang hun angna. Etharin esha uthun saal ang moq angna.

Phan ajat nia phan ajat sha takhat janna, mung ni mung sha takhat janna etho shong aa cham angna etho haqkung shin na. Eshi raaq tang sha sey thu pha jo, tsamnang sha sey phang thu phana.”

Mungtan nia mingkang raa matwang angna, etharin iraaq tang raa baluk o tho matmoq angna.”

Chammatakoi i miing o alik tang daqhan ka phana etho ning aa batna, ‘Nga Khristo tha.’ Etho ning aa miq daqhan dipkup na.

“Ethi jio nim sha lo pha nin etho thahikham pha nin etho tikwat chak pha nin. Etho nim ijiphantey tang ang tungkang o miq thaji eq nim raa miiksuk pha nin. Etho miq daqhan eq kam shing chakna, etho ashey eq ashey tha dipkup eq thalo na, etho ashey eq ashey tha miiksuk na. Ahut alik rangsamal tang ahan tunshat na, etho miq daqhan sha athom ma hunna.

Jesu aa ning ma thawel batta, “Rangtun eq tong inn. Utang eq tho nim aja náng nak cham sol phin.

Ethirangma nim tho salwet ban kacha ang inn, chammatakoi nim aa tathin tho tathin min rangham sho Miqna Sa sha ka phana.”

Ethirangma ban kacha ang inn, chammatakoi ba Teyhungwa sha baluk o thu phana nim aa sam min.

“Ethi saal nia ethi rangham sha utang eq tho sam moq, rangkamwa tang etho Usa atho sam moq, etharin Iwa Shkewa hun sam aa.”

Chammatakoi alik Khristo tang etho alik rangsamal tang tunshat na etho ahan patja jaksom takhina, jin som eq ajo utal miqtang shima tho alik tha tahan na.

“Noah tok o chamal angta ethimal hun Miqna Sa kat rangham sho tho angna. Chammatakoi jungching wey moq jakho, Noah waqwan náng qhung wey moq saal náng thula miqtang aphak asat na rong tong ta, etho tharik thang eq etho tharik thang kot ma rong tong ta. Etho ning jungching eq lim chuwan wey moq nángduk, ning aa chamtho sammoq angta. Ethimal Miqna Sa kat rangham sho tho angna.