Popular Bible Verses from Matthew 28

Share

Ethirangma nim iriwang thaji haq náng ka inn etho thaji phan ajat miqtang ni ijiphantey tang ma sol inn, etho ning ma Iwa miing o, Usa miing o, etho Asang tsija miing o jungthalam inn. Etho nga nim ma raaqkhat bat taphang thaji shi tat rangma ning ma tatal ko inn. Etho mingkang thun náng thula, salwet nga nim jamna atha ang náng.”

Jesu ning relnáng thu eq batta, “Mungtan ni mingkang thaji authority tha ijak o kochak tapha.

Rangkamwa aa miqnu tang thima batta, “Nak cho inn, bólq na botchak ta Jesu tha nim aa bi inn ta nga sam eq ang. Piq irina ang moq; piq aa batta thimal wey jey angta. Ka phin, piq barina shingta thi siin inn.

Jesu aa ning ma batta, “Nak cho inn, i jiphantey tang ma Galilee náng kat ma bat ka inn, eshina ning aa nga kap khina.”

Etho ajong tingwa tang aa miqlang tang jamtho thajoq eq rum wan ta etho ralkoltey tang thima ngin daqhan ko eq batta, “Rangpal tho nga ujib ang chey ang tho, Jesu jiphantey tang thu eq piq tha hut som chuwan ta, ta nim aa bat ching. Iri raaq raa governor relnáng thu ajo, í ujamoq wan ni etho nim aa eshi tung aa raaq shima chamtho nak tathin inn.” Jio, banteywa tang they ngin tha som eq chamal batta, ethimal hun batta. Iri raaq raa thaney náng thula Jehudi tang jaktung na taphan chan ro ang aa.