Popular Bible Verses from 1 Samoela 16

Share

Nefa hoy ny TOMPO taminy: «Aza sodokan’ny tarehiny sy ny tsanganany ianao, fa tsy nifidy azy Aho akory. Tsy mba mitsara toy izay ataon’olombelona Aho. Ny olona mijery ivelany fotsiny ihany, fa Izaho TOMPO kosa mahita hatramin’ny atin’ny fo.»

Noraisin’i Samoela ny diloilo ka nararany teo an-dohan’i Davida ho fanokanana azy teo anatrehan’ny rahalahiny. Hatramin’io andro io no nilatsahan’ny Fanahin’ny TOMPO tamin’i Davida ka tsy niala taminy intsony. Dia niverina nankany Ramà i Samoela.

Hoy indray i Samoela tamin’i Jisay: –Ireo avokoa ve izy mirahalahy avy? Ka novalian’i Jisay hoe: –Ny zandriny indrindra sisa no tsy eo, fa mbola miandry ondry izy. Fa hoy kosa i Samoela tamin’i Jisay: –Ampanalao izy, fa tsy hanomboka ny sorona isika raha tsy efa tonga eto izy.