Popular Bible Verses from Jakoba 3

Share

Fa ny fahendrena avy any ambony dia voalohany indrindra madio, ary koa tia fihavanana, mandefitra, mora ifampiraharahana, be famindrampo sady mahavokatra asa soa, tsy miangatra, tsy mihatsaravelatsihy.

Misy hendry sy manan-tsaina ve aminareo? Aoka hasehony amin’ny fitondrantena tsara fa ny halemem-panahy, vokatry ny fahendrena, no manenika ny asa ataony.

Izay mampanjaka fihavanana dia mamafy amim-pihavanana, ary dia ny rariny no vokatra azony.

satria izay misy fialonana sy fifampiandaniana dia misy fikorontanana mbamin’ny asa ratsy isan-karazany.

Izy no ankalazantsika an’ilay Tompo sady Ray, ary izy koa no anozonantsika ny olona izay noarîna araka ny endrik’Andriamanitra: vava iray ihany no ivoahan’ny teny fankalazana sy fanozonana. Ry havako, tsy mety ny toy izany!

Tahaka ny afo ny lela: manjary fototry ny faharatsiana tsy hita lany izy eo anivon’ireo zavatra anisan’ny tenantsika; mandoto ny tenantsika manontolo izy, ka sady mandrehitra afo eo amin’ny fizotran’ny fiainantsika no arehitry ny afo avy amin’ny lohasahan’afo.

Fa tsy misy olombelona na iray aza efa nahafolaka ny lela: zava-dratsy saro-pehezina ny lela sady feno poizina mahafaty.

Ry havako, aza dia maro loatra no te ho mpampianatra, satria fantatrareo fa hotsaraina mafy kokoa izahay mpampianatra.