Popular Bible Verses from Marka 5

Share

Dia hoy i Jesoa taminy: –Ny finoanao, anaka, no nahasitrana anao! Ndeha àry ka veloma finaritra, mitohiza fahasalamana soa aman-tsara!

Ary nisy vehivavy marary mitsi-dra nandritra ny 12 taona; efa niaritra zavatra mafy maro tamin’ny dokotera maro izy io ka lany fananana tamin’izany rehetra izany, nefa tsy nihatsara velively fa vao mainka niharatsiratsy kokoa aza.

Dia ritra niaraka tamin’izay ny loharanon’aretiny, ka tsapany tao amin’ny tenany fa sitrana tsy nandeha ra intsony izy.

Dia noraisin’i Jesoa ny tanan’ilay zaza ka hoy Izy taminy: –Talità komỳ! (Izany hoe: «Razazavavy, mandidy anao Aho, mifohaza!»)

Raha mbola niteny i Jesoa, dia nisy iraka tonga avy tany an-tranon’ity lehiben’ny sinagôga ka nanao tamin’i Jaîro hoe: –Efa maty ny zanakao vavy, ka nahoana ianao no mbola manahirana ny Mpampianatra ihany? Fa tsy nahoan’i Jesoa izany teny izany, ka hoy Izy tamin’ilay lehiben’ny sinagôga: –Aza matahotra, minoa fotsiny ihany!

(Satria i Jesoa efa nandidy azy hoe: «Mialà amin’io lehilahy io, ry fanahy maloto!») Dia nanontany an-dralehilahy i Jesoa nanao hoe: –Iza no anaranao? Ka namaly izy hoe: –Tafika no anarako, satria maro izahay!