Popular Bible Verses from Rômanina 1

Fa tsy menatra ny Vaovao Mahafaly aho, satria io no herin’Andriamanitra ho famonjena izay rehetra mino, dia ny Jiosy aloha vao ny hafa firenena.

Eny, asehon’ny Vaovao Mahafaly fa ny aneken’Andriamanitra ny olona ho marina dia ny finoana, hatramin’ny voalohany ka hatramin’ny farany, araka ny voalazan’ny Soratra Masina hoe: «Ny olo-marina noho ny finoana dia ho velona.»

Eny, tsy hita maso Andriamanitra. Nefa hatramin’ny nahariany an’izao rehetra izao, dia eo ny asany mampahafantatra Azy, mampibaribary fa mahery hatrizay hatrizay Izy ary Andriamanitra tokoa. Hany ka tsy afa-tsiny eo anatrehan’Andriamanitra ny olona.

Nahalala an’Andriamanitra tokoa izy ireo, saingy tsy nanolotra ny voninahitra sy ny saotra tandrify Azy. Fa zavatra diso no nanjary nosaintsaininy, ary tonga maizina ny fony donto.

Ny lainga no nasolony an’ilay Andriamanitra tena Izy, zavaboaary no nohajainy sy notompoiny ho solon’ny Mpahary Izay ankalazaina mandrakizay. Amen!

Efa anehoan’Andriamanitra ny fahatezerany avy any an-danitra ny olona, satria tsy manaja an’Andriamanitra ary manao ny tsy rariny amin’ny namana; ka noho ny asa ratsin’ny olona, dia voasarona ilay Andriamanitra tena Izy.

Izany no nanoloran’Andriamanitra ny olona ho andevozin’ny filàndratsy mahavoafady. Ka ny vehivavy ao aminy dia manova ny fanao amin’ny vadiny ary zavatra mifanohitra amin’izany no ataony; toy izany koa ny lehilahy ao aminy dia mandao ny fanao amin’ny vadiny, ary manjary maimay mifampila samy lehilahy sady mifanala baràka tena, hany ka mandray ny sazy mendrika ny hadalàny. Nataon’ny olona ho tsinontsinona ny mahalala an’Andriamanitra, ka izany no nanoloran’Andriamanitra azy hoentin’ny sainy mibirioka, mba ho voatarika hanao ny tsy tokony hatao

Nilaza ho hendry ny olona, nefa tonga adala. Ilay Andriamanitra be voninahitra sy tsy mety levona nosoloany sarin-javatra mety levona, dia sary mampiseho olona, vorona, biby mandeha tongotra efatra na biby mikisaka.