Popular Bible Verses from Lucas 12

Share

Na pexe iwu keskara iyabakawe. Itipinikawe ma tapiabaki ẽ awetiã uuxiwimaiki. Dukuwene Wake udua yuikĩ ẽ udua ẽ batu yuinu. Niriyauikui Dukuwene Wake uuxiwi”, Jesúspa atu wadi.

Na ma yupayaiwu shinawawaĩkataba duduri shinawawaĩkawe: ‘Dios ewẽ diaiwu. Naa ẽ ikũira wai’, ikawe. Ma naskakĩ na ma yupayai ma naya iixiwi”, Jesúspa atu wadi.

Naskawata na yura ichapanawã atu yuidi: “Batuna wisti icha ichawapaiyabakawe. Awara ichapayawikadax yurawu isharata itiruwubaki”, Jesúspa atu wadi.

Na ẽ batu yuiya akawe bau sharakuiwu Diospa batu waxunu awarawu uduamai maawawe ‘Sharakuiwura’, wabis naawu udua maawawe shinaxiwi”, Jesúspa atu wadi.

Watu pedata ma daimaiki ma Diospa shina. Ma shinachakax na pedata ma ipatiruba.

Jesúspa auxũ tapipaudiwu atu yuidi: “Ẽ batu kekẽi. Duduri shinayabakawe: ‘¿Nu awa piime dayabaxikĩ? ¿Nu awa saweime ñewa iyabaxikĩ?’ iyabakawe.

Diospa tapia matu wuu awetiimaiki. Naskake yurawuki beseyabakawe. Peiya wasiwu bitsisipakuiwuba. Maawu bitsisipakuiwu. Diospa batu duikui.

Jesúspa auxũ tapipaudiwu atu awi yui idi. “Maawu ewẽ ovejawu. Ma ichapaba. Beseyabakawe. Epa Diospa ma shina batuwu kañawata matu diaiwu iixikĩ. Naduri shinai Dios idibai.

Shinakawe. Peiyawawe awa wadatiruba. Yudu witiruwuba. Wani atũ piti watiruwuba. Naskaweke Diospa atu pibatiru. Peiyawukai bitsisipakuiwuba. Maawu bitsisipakui.

‘¿Ẽ awa piime? ¿Ẽ awa ayaime?’ iyabakawe. Shinachakayabakawe.

Wasiwuya charu sharashtawu Diospa udiwadi. Nawu peda wisti iyabakadi peda rawe iyutiruwu. Ma tsasiawuadu yurawawe kuwatiruwu horno mera. Sharashtakuiwuweke nawu Diospa ichapaba dui. Batu Diospa duikui. Naskake batu saweti inaxiwi. Maawawe shinai: ‘Awa nu sawetiruba’, ma iki Dioski ma chipu diasharaba.

Naawu keskara iyabakawe awarawu yurawawe atuna wisti udeawumai naawu tapinabea inupukui.