Popular Bible Verses from Lucas 17

Share

Naskata Jesúspa na samaritano yuidi: “Widikaĩta katawe. Iki mi chipu diax mi kaya”, Jesúspa wadi.

Biki chakaxu bia shinaweradiyuaitii duduri yuikĩ ‘Ana ẽ biki askayabaxikĩ ẽ shina’, bia waitii bia naskawaidu na biki chakabis aduri ana shinayabawe. Peda wisti biki siete veces chakaweke na biki chakabis aduri ana shinayabawe”, Jesúspa atu wadi.

Naskadu wistichi awẽ kaya raisibetapaikĩ uĩya ma kaya idi. Jesús adu dasukĩ tsai ewapatu yuiwedi: “¡Dios sharakui!” wawedi. Naskata Jesús wewu baiki rakapakekawã awẽ bapu baiki ratapakewuwãdi. Yuidi: “Ẽ biki idibai”, wadi. Na samaritano idi.

Wetsawu chakawabayabaxikĩ uĩwaĩ ikawe. Beweta Dios ikũirawabis chakaitu yuiwe ana askayabanu. Naa yurã ana askayabaxikĩ shinaidu na chakabis aduri ana shinayabawe.

Naskawadu Jesúspa nadua yurawu atu yuidi: “Ẽ diez dukuwedewu ẽ kayawaa. ¿Aweskai a nuevewu weawubame?

Naskaiwawe dikakĩ Jesúspa atu yuidi: “Ichapabashta Dioski ma chipu diaxu ma da iwi tapu ewapaya duduri ma yuitiru ikerada: ‘Duduax xakuinakawata enewa mera nitawe’, ma waitu batu dikakerada”, atu wadi.

Watura wetsa ‘Ẽ Jesús uduax dapaitiruba’, ibixakĩ ma daax Dioswe ipatiruba. Aka watura wetsa ‘Ẽ Jesús uduax dapaitiru’, ibixakĩ ma daax Dioswe ipadaka.

Jesúspa auxũ tapipaudiwu atu yuidi: “Yurawawe awara uĩkata, awara dikata, awara beekata, awara pikĩ kushi xeataba, awara xetekata chakapaitiruwu. Naskatiadiwu. Aka watura wetsã yura chakawabapaiyai naa Diospa ubiskuibakuixiwi. Yurawawe na yura ubiskuibakakĩ ruwewaya tedexkaxu enewa mera putawuadu ubiskuitiru. Aka ubiskui bibakerada watura wetsã tapiaba awa chakamaiki naa yura chakawabake.

Na Noé ipauditiã yurawu na ipaudiwu keskakadi pipaudiwu. Ayapaudiwu. Awĩ wipaudiwu. Atũ apã atũ wakewu dukuwedeya atu wiananawapaudiwu. Na pedata Noé awẽ kaiwuuwe xaxuwã mera ikidiwu na yurawu awe ikidiwubawawe ana pidiwuba. Ana ayadiwuba. Anarikai wiananadiwuba. Enewa atuki dukukĩ naatiiwi atu asakĩ adaitidi. Naskariwiyai ẽ uuxiwaitiã yurawawe Dios shinataba na awara abiswu akadi iixikadi.