Popular Bible Verses from SAN JUAN 17

Share

Paicunata cambaclla cachun cambac rimashca shimihuan tucui millaimanta huacaichingui. Cambac rimashca shimica cashcata rimac shimimi.

Cai huiñai causaica, shuclla Taita Dios can cashcata, shinallatac can cachashca Jesucristota ricsinami.

Ñucaca mana paicunallamantachu mañani, ashtahuanpish paicunapac huillashcata uyashpa, q'uipata ñucata criccunamantapish mañanimi. Taitalla, ima shinami ñucaca canhuan, canca ñucahuan shuc shinalla canchic, shinallatac paicunapish ñucanchichuan shuc shinalla cachunmi mañani. Cai pachapi causaccuna ñucata can cachashca cashcata crichunmi, chashnaca mañani.

Cai pachamanta paicunata anchuchichunca mana mañanichu, ashtahuanpish tucui millaimanta huacaichichunmi mañani.

Canca ñucata sumacyachishcanguimi. Ñucanchic ima shinami shuc shinalla canchic, chai shinallatac paicunapish shuc shinalla cachunmi paicunatapish ñucaca sumacyachini. Ñucaca paicunahuan, canca ñucahuan cacpimi, paicunaca shuc shinalla canga. Shina cacpimi, cai pachapi causaccunaca can cachashcata, shinallatac ñucata ima shinami c'uyangui, chashnallatac paicunatapish c'uyac cashcata yachangacuna.