Popular Bible Verses from SAN MATEO 19

Share

Chashna nicpi Jesusca paicunata ricurashpaca: —Gentecunapac yuyaipica, maita mana quishpiripacchu, ashtahuanpish Taita Diosmanca imapish ruhuaipacllami— nirca.

Chashna cashcamanta ña mana ishcaichu, ashtahuanpish shucllami can. Chaimanta Taita Dios tandachishcataca, pi mana ch'icanyachinachu can— nirca.

Chashna nicpi Jesusca: —Taita Dios cai pachata ruhuashpaca, c'aritapish, huarmitapish ruhuarcami. ¿Chaitaca manachu Dios quillcachishcapica ricushcanguichic? Shinallatac Taita Diosca: ‘Chaimantami c'arica taita mamata saquishpa, paipac huarmihuan tandarishpa causanga. Chashna tandanacushpaca, ishcaimanta shucllami tucunga’ nircami.

Paicuna chashna jarcacpimi Jesusca: —Saquichic, huahuacuna ñucapacman shamuchun, ama jarcaichicchu. Cai huahuacuna shina caccunami Taita Dios mandacucmanca yaicungacuna— nirca.

Chashna cacpipish cunan punzhapi ‘allimi canchic’ niccunaca, achcacunami yangalla cangacuna. Shinallatac achcacunami cunan punzhapi yangalla nishcacunaca, alli nishca cangacuna.

Maijanpish ñucata c'atingaraicu huasita, huauquicunata, panicunata, taita mamata, huarmita, huahuacunata, shinallatac allpata saquicca, caicunamanta pasac cutinhuan yallimi japinga, shinallatac huiñai causaitapish japingami.

Chashna nicpi Jesusca: —Taita Diospac ñaupapi allitac cangapacca, tucui can charishcacunata c'atushpa, huacchacunaman cugri. Chashna ruhuashpami, jahua pachapica achcata charingui. Chashna ruhuashpaca, ñucata c'atingapac shamuilla— nirca.

Chashna nicpi Jesusca: —¿Ima nishpatac alli canamanta tapungui? Allica, shucllami tiyan. Chaimanta huiñai causaiman yaicusha nishpaca, mandashcacunata pactachingui— nirca.

Shuc chayuc runa Dios mandacucman yaicunapac randica, shuc camello*f** animalchari auja rinrita mana jarcarishpa pasarinmanlla— nirca.

Shina cacpipish ñucaca cashnami nini: Manapish shuc-huan juchallirishca cacpi, huarmimanta raquirishpa shuc-huan cazaracca, juchallinmi— nirca.

Chaimantami paipac yachacuccunaman Jesusca: —Chayuccunaca, Taita Dios mandacucpica mana utca yaicui pudingachu. Chaica chashnatacmi.