Popular Bible Verses from SAN MARCOS 5

Share

Shina huillacpimi Jesusca: —Huahua, can crishcamantaca ñami alli tucushcangui. Cunanca cushicushpa rilla. Cambac ung:uimantaca jambirishcanguimi— nirca.

Chai riccunapurapica, chunga ishcai huatata yahuar cacharirishpa ungushca causac huarmipish ricurcami. Chai huarmica chashna nanaihuan causacushpami, jambiccunapacman puricuclla carca. Shina jambiricushpallami, ima charishcatapish tucui tucuchirca. Ima jambipish mana alliyachicpimi, ashtahuan ashtahuan anchayashpa c'aticurca.

Ña Jesuspac churanapi tuparicpica, yahuar shamunaca jarcarircallami. Shina jarcaricpimi, chai huarmica: “Ñami alli tucuni” nishpa yuyacurca.

Ña chai huañushca huambrapacman chayashpaca, maquita japishpami: —Talita, cumi— nirca. Chashna nishpaca: “Huambra, cantami jatari nini” nisha ninmi.

Jesús shina nicucllapitacmi, mandac Jairopac huasimanta shuc runacuna shamushpa Jairotaca: —Yachachictaca, ¿imapactac yanga p'iñachicungui? Cambac ushica ñami huañun— nishpa huillarcacuna. Shina nicta uyashpapish, Jesusca tandanacuna huasipi mandac runataca: —Ama mancharichu. Ñuca alliyachinata crilla— nirca.

Jesusca supaita: “¡Cai runamanta llucshi!” nicucpimi, chashna caparirca. Shina nicpi Jesusca: —¿Ima shutitac cangui?— nishpami, chai runataca tapurca. Shina tapucpimi chai runaca: —Achcacuna cashcamanta, Huaranga Huaranga shutimi cani— nirca.