Popular Bible Verses from 2 तीमथी 2

Share

नु सत्यद वचन योग्य रितीता शेपेतोड इल्ला इंगा याद फनी शेस्ताव दानटल्या शिगुवाटायदेंग येमीच कारण लेकून न्योड परमेश्वर की स्वीकृत इल्ला फनी शेशेतोड आय्येद प्रयत्न शे.

पण जवानी वासनादेगार नुस दुराम उंड इंगा जे प्रभून कि शुध्द अंत:करनाता कुतेस्तार इंगा प्रभून मिंदा विश्वास फेटतार, इल्ला मंदी बरोबर, नितीमत्त्व, विश्वास, प्रेम इंगा शांती इटला येन्का आन्ट.

परमेश्वर सेवकलु जगडाल शेयारोद, तर आंता मंदी संगा सौम्यताने वागायला, आले शिक्षनला कुशल इंगा सहनशील उंडाला.

जर मिम अविश्वासी उंडाम तरी वाड इपूड पण विश्वासू उंडाड येनटीक की वाड वान्दी नाकार शेशी शकायाळ.

येवार वांकी विरोध शेस्तार, वार्की शांत तों शिक्षण इयाला कदाचित वार खरेम ओळखायला दानचांग परमेश्वर वार्की पश्चाताप शेशेद बुद्धी इच्ची.

पण अमंगळपन दि रिकामिद जगडाल आडेळदी इडु येनटीक की वाड मंदीन परमेश्वर देगार नुस सना आंटे सना दुराम येका फोताळ.