Popular Bible Verses from U̱r-Taku̱n 39

Share

Yawe o̱ u̱r-kot u̱ Yusuhu ne̱. Da-u̱ wa o̱o̱ge̱ u̱ shu̱'u̱t u̱ bu-u̱ yu̱-Yat-ya wa ne̱tu̱ Masar, wa shu̱'u̱t wa re̱-du̱ u̱r-ko̱rro̱ u̱ no̱m-u̱ wa o̱ u̱t-no̱m u-be̱e̱t.

Potipa yasu̱ gwat-du̱ no̱m-tu̱ wa o̱tte̱ u̱t-be̱e̱t, ko̱-uyan shu̱'u̱t u̱ kom-u̱t Yusuhu. Potipa ruus-u̱ fu̱n-u̱ ko̱-uyan u-be̱e̱t. Ga-du̱ u̱t-re̱ de̱ Potipa do̱te̱ u no̱m-du̱ u̱s-dorog u̱ warre̱. Yusuhu o̱tte̱ u-ma u-war u̱ so̱-o̱ u zwarru̱ m-hyan u̱ zwarru̱ u-shu̱ ne̱.

Yu̱-Yat-ya a e'-du̱ bu-u̱ m-to̱k yasu̱ Yusuhu gwadu̱ a-bu-u̱ m-to̱k, ko̱-uyan o̱ na o̱ u̱t-no̱m Yusuhu wa o̱ yu̱-Yat-ya.

Se̱ yu̱-Yat-ya Yusuhu hu̱u̱t wa u̱ bu m-to̱k be-du̱ faru̱k cinte̱ i no̱me̱ wa u̱t-ba'as, wa shu̱'u̱t u̱r-kot u̱ to̱k-ne̱. Yawe o̱ u̱r-kot u̱ Yusuhu ne̱ u̱ bu-u̱ m-to̱k, wa ko̱se̱ wa u̱t-cwan, wa kum hyu̱-m pusmo̱ u̱du̱ wa e'-du̱ bo̱-u̱ m-to̱k.

Remu̱ iya, da o̱ku̱n da-o̱ no̱me̱ ne̱ta Potipa got war-u Yusuhu wa he̱e̱se̱ cwan-u̱t Yusuhu. De̱ku̱n ho̱-de̱ wa zu̱ wa, <<Haane̱ bo̱ roog u̱-me̱ ne̱!>> Yusuhu gu̱gu̱m, wa zu̱ ne̱ta yu̱-Yat-ya wa, <<Gwat! U̱so u-bu ri, za wadu̱ jab-u̱ o̱ko̱n u̱ bu-u uno̱ da. No̱m-u̱ wa o̱tte̱ u-be̱e̱t wa ya'aste̱ ko̱-uyan u̱ kom-u̱t ri u̱m ha gwat-du̱ to̱. U-bu ane̱ waku̱n zaar wu̱ ze̱ge̱ me̱ da. Yu̱-Yat-ya ri hooste̱ me̱ o̱ko̱n u̱ ana da se̱ bo̱, u̱ remu̱ zu̱ bo̱ ne̱ta wa bo̱ o̱ye̱. ¿Re̱-o̱ u̱m do̱te̱ u̱ no̱m-du̱ no̱m-u̱t yo̱-to̱ u̱t-ba'as ne̱ u̱ shu̱ u-Ru̱?>>

De̱ku̱n ho̱-de̱ Yusuhu cwaag u-bu remu̱ wa no̱m-u̱t ank-mu̱ u-bu, u̱ te̱k-u̱ to̱k-ne̱ waku̱n zaar u-bu da. Se̱ ne̱ta-u ya shipis to̱ggo̱-u Yusuhu. Wa zu̱, <<Rooge̱ u̱-me̱ ne̱!>> Yusuhu ru m-so̱m u̱-do̱, se̱di wa yage̱ to̱ggo̱-u wa u̱ kom-u̱t wu̱n.