Popular Bible Verses from Eltibi 8

Share

Owo wahnge egame, fuumu re nne jo li elkpin go njini nyia, tibre ejumjum limm ji nobo no ka nne sehnge re, á jo li, jo w'wo, fere bel eyebatahng go elkpin. Owo eyebatahng bahke toono bo go ntum erem ebo go afung kpee nya elkpin ebo nya Esowo ma ka bo go njini nyia.

Jol afii ebi nne ji limi abi nsol nkpel atahl alon kange aya tvv, n kp'kahne re bahke nobo a ane ba kpo fahl Esowo, ba kpo kpun-e go ege esamahr.

Tibre ngare nyia, nyi fuumu no re nne lim ejum ajehng ajehng, a mbang ana nyi á bahke limi, jol eji li li re nne li ekubin ekubin.

Ana nnene kii kpi nsahm nyi á bahke ma kpan elfeb, ano wo nnene kii kpi nsahm bada ngare elkv enye. Ana bo kil jo yehke nne go nsoja ngare ebta, ano wo ab'bi l'k'ma yake ane abo bo ji kp'limi.

Erem akake bi bo kimi elam bada nne no limi eb'bi l'jo laange, ntim ane kpo kehme elsebe abang nya bo bahke koko jo lim ab'bi.

Ejum ajehng jehko jia ji kpeka li ji ki lohng ejumjum go njini. Etinginne no bele ji kehn fuumu a ebi nne, a ebi nne ji bele ji kehn fuumu a etinginne. Jia fvfo, lohngem ejumjum.

Eji li re nnene nehme kahn ji behna, nne awoo bahke ma tong ntem ejum ji bahke jolo?