Popular Bible Verses from Yowani 5

Share

«Kubinali, nábabura kwa ola ùngomva emyasi yanyi, na kwêmerera ola wányitumaa, oyola iukábona ekalamo ke'suku ne'mango. Kanji yeke atákachichinjibusibwe, si àfufumikire elufu na ábona ekalamo.

Mango Yesu ámulolaa'ko àli kwa mukeka, era kumenyerera kwa àmala suku sinene álibuka no'bu bulwala. Bushi no'ku, era kumubusa mbu: «Ewashe! Wáhonda uláme?»

Mutúsa bushiru ngachi mwa kunde mwáchikangirisa eMaanjiko Mabuya-buya, bushi mwénde mwáanyisa mbu mwe'bi mu mungábonera ekalamo ke'suku ne'mango. Rero, muményereraa kwa amu Maanjiko Mabuya-buya, mu ménjire mateta era luulu sanyi! Si chiro bacha, muténjire mwáhonda kubaha era nyìri, mubóne ekalamo.

Yesu kukwera kumubura mbu: «Bàtukaa utóle emukeka wao unáende.» Unao-unao, ola mulwala kuna kulama, kuna kutola emukeka wai, na átangirisa áenda. Rero, elusuku ebyera byábaa, lwábaa lusuku lwa Sabato*.

Chasinda, Yesu era kuhuba kubura abu Bayuta mbu: «Kubinali, nábabura kwa nyono nyi Mwana wa Ongo, kutáli kandu kasibya ka nyìngaala kuira kwa kuhonda kwanyi nyeine. Si bya nyiséne kwa Tata áira, bi nanyi nénjire nánaira. Bushi choshi cha Tata énde áira, chi nanyi nyi Mwana wai nénjire nánaira.